Todo-todo kasing magmahal ng lalaki… NINA, UMAMING NAPAGSAMANTALAHAN

ni Julie Bonifacio @Winner |October 04, 2023

Personal handpicked ni Soul Siren Nina ang aktor/direktor na si John Prats para magdirek ng kanyang special birthday concert titled Only Nina sa Samsung Hall ng SM Aura, Taguig City on November 8.

Ayon kay Nina, “This is going to be the first one na magkaka-work kami together ni John Prats.

Kapag mayroong ideas si direk, iko-consider. And ganu’n din kapag mayroon akong ideas.

“Actually I think after a year… two years ago kasi, I had an online concert, so this is the first time I’ll be having a concert, after a year of being sa pandemic and all, and first time to work with Direk John Prats, first time to work with their group, a lot of firsts actually.”

At dahil first time raw sila magkakatrabaho ni John, titiyakin ni Nina na pag-uusapan nilang mabuti ang mga bagay-bagay to deliver a very, very good concert to everyone.

“So, talagang kung may mga ideas ako na gustong batuhin kay Direk, he will consider, and kung may mga ideas din siya, I will consider, too. So talagang it’s a team effort, everything,” esplika ni Nina.

Ang actual birthday ni Nina is on November 1, All Soul’s Day. And knows natin kapag All Soul’s Day, marami ang nag-uuwian sa probinsiya to pay respect sa kanilang loved ones na pumanaw na.

So, Nina’s manager and the producers of Only Nina decided na gawin ang kanyang special birthday concert a week after her actual birthday.

Since it’s a birthday concert, tinanong namin si Nina kung ano ang kanyang birthday wish during Only Nina mediacon na ginanap sa District One sa BGC, Taguig City.

Pahayag ni Nina, “Birthday wish ko lang talaga is everybody to have a better life. Kasi ako, I already love my life. Maging okay lang ang lahat, ‘yun talaga.”

Pramis pa ni Nina na magiging super special ang kanyang birthday concert since na-miss niya na mag-perform in front of her fans/audience.

“Mayroong pagka-nostalgic (ang concert) and of course we would not want to leave out naman the younger ones. Pero nakakagulat din na the younger ones ay alam ‘yung songs ko like Someday,’” lahad ni Nina.

Only Nina can be interpreted in so many ways on the Soul Siren’s life and career.

For us, the title of her birthday concert ay bagay na bagay kay Nina since she’s the only female artist na nakatanggap ng Diamond Record Award from PARI in 2009.

Kumbaga, Nina’s name will go down sa history ng local music industry. Ito nga rin ang kino-consider ni Nina na biggest achievement niya, ang pagiging Diamond Record awardee.

“Kasi ano, talagang mahirap makabenta ng album lalo na during our time, mahirap makakuha nu’n, eh, kasi physical album eh…(they) have to buy the album talaga to be able to get that award,” diin ni Nina.

Siyempre, ‘di puwedeng palampasin sa mediacon ang tungkol sa buhay-pag-ibig ni Nina. Maganda ang sagot ng singer when asked about love.

Ang tanong kay Nina ay kung ano ang na-discover niya about love na hindi niya alam dati?

“About love… okay, ang hindi ko alam noon is huwag kang masyadong magmamahal. ‘Di ba?

“Kasi talagang ‘pag nagmahal ka nang todo-todo, na wala ka nang natira sa sarili mo, mate-take advantage ka, eh.

“Kasi malalaman nila sa sobrang pagmamahal mo, so kahit ano, puwede nilang kunin from you, money, your life, your time, wala ka na talagang matitira.

“So ngayon, ang natutunan ko naman ngayon, you have to love yourself first, and it’s not about being selfish, you have to love yourself first before you can love other people.

“Kasi how can you love other people if you don’t even love yourself? So, mahalin mo muna ‘yung sarili mo, alagaan mo, bago mo maalagaan at mahalin ang ibang tao.”

In love ba si Nina ngayon?

“In love po sa buhay,” kasunod ang tawa ni Nina.

Ang Only Nina ay ipinrodyus ng Vera Group Inc. and District One with Mr. Bobby Velasco as musical director, and John Prats as the concert director.