Tiyahin sana ni Jo Koy ang role… SHARON, PINALITAN NI TIA CARRERE SA HOLLYWOOD MOVIE

ni Nitz Miralles - @Bida | May 23, 2021

Sayang talaga na hindi natuloy si Sharon Cuneta sa biopic movie ng stand-up Fil-Am comedian na si Jo Koy dahil bukod sa huli, makakatrabaho pa sana ni Sharon si Director Steven Spielberg.

Sabi ni Sharon kay Cristy Fermin, hindi siya nakuha at tanggap niya ito. Siguro raw, hindi para sa kanya ang project at malay natin, may mas malaking international project na dumating sa kanya.

Ang Fil-Am actress na si Tia Carrere raw ang ipinalit kay Sharon na gumanap sa role ng tiyahin ni Jo Koy at kahit sabihin pang tiyahin ni Jo Koy na 49 years old ang role na gagampanan sana ni Sharon, malaking bagay pa rin na makagawa siya ng movie for international screening at makatrabaho si Spielberg.

Hayaan nating si Sharon na ang mismong magkuwento kung ano talaga ang naging problema kung bakit hindi siya natuloy sa movie ni Jo Koy.