THIS BAND, BANDANG LAPIS AT THE JUANS, SAMA-SAMA SA CONCERT

ni Nitz Miralles - @Bida | November 14, 2021

Ang taba ng utak ng nakaisip sa title ng streaming concert ng mga bandang This Band, Bandang Lapis, at The Juans. Swak ang title ng streaming concert na This Bandang Juans, nasa title ng concert ang name ng three bands ng Viva Records, kaya walang magrereklamo sa Viva Live, Inc. na producer ng concert.

Nakunan na ang concert sa Metropolitan Theater at kakaibang experience ito sa three bands dahil historic ang Metropolitan Theater at iba raw ang sound ng instruments nila dahil iba ang acoustic nito.

Tinawag na “hit bands” concert ang This Bandang Juans dahil pare-pareho silang hit ang bawat kanta na isinusulat at inire-release. Ang Kahit Ayaw Mo Na ng This Band, may 106.8 million streams on Spotify at 50 million accumulated views sa YouTube.

Ang Kabilang Buhay ng Bandang Lapis, may over 50 million views ang music video at 35.4 million streams sa Spotify at 63.4 million views ang guesting sa Wish Bus.

Ang The Juans, may almost 140 million streams sa Spotify pa lang sa 10 of their most popular singles.

For their concert, sumulat ng song ang three bands titled Magkikita, collaboration song, so expect nating maganda.

Sabi ni Carl Guevarra ng The Juans, “This song must be released” at walang problema dahil gagawin ito ng Viva Records.