Thirdy, Dwight at Bolick, aangat uli Vs. New Zealand

ni Anthony E. Servinio / MC - @Sports | February 27, 2022

Nagpakitang-gilas sina Dwight Ramos, Thirdy Ravena at Robert Bolick nang sumampa sa 3rd quarter ang laban sa India sa 2023 FIBA Basketball World Cup Asian Qualifiers noong Huwebes ng gabi sa Araneta Coliseum.

Namuno sa panalo si Ramos na may 17 puntos at Ravena na may 15 puntos. Nag-ambag ng 12 puntos si Roger Pogoy bilang reserba habang 10 puntos si Robert Bolick.

Mamayang gabi ay babalik uli ang Gilas Pilipinas national team ng 7 p.m. dahil nakahanda na sila laban sa powerhouse team New Zealand.

Ayon kay Gilas head coach Chot Reyes hindi sila nagpahinga at umupo para sa Group A hawak ang 2-0 card, para harapin ang world no. 27 New Zealand. "I think we have to relish the opportunity to be tested against really great competition. And that's the thinking, the mindset that we're going to take into Sunday's ballgame," ayon kay Reyes kasunod ng solidong panalo kontra India sa may audience na Araneta Coliseum. "As for break, no, we're not gonna take a break. I mean, we were prepared to play four games in five days here so we're not going to take any days off."

Minsan nang nakalaban ng Gilas ang New Zealand kung saan ang Tall Blacks ay nagwagi sa 89-80 sa 2016 Rio Olympic Qualifiers sa MOA Arena sa Pasay City.

Pumasok din ang New Zealand FIBA World Cup sa limang sunud-sunod na edisyon.

"We've played New Zealand in the past. We know the style of play, the style of game that they play," ani Reyes. "From time to time, they change players but the style remains the same.

They're very tough, they're very physical, and we have to be ready for that."