Tatay na uli… PRAMIS NI DENNIS: BABAWI AKO SA BABY NAMIN NI JENNYLYN

ni Nitz Miralles - @Bida | November 23, 2021

Sampaloc candy na sabi ni Jennylyn Mercado, binili sa palengke ang isa niyang pinaglilihian at sa vlog nila ni Dennis Trillo, makikitang sarap na sarap nitong

kinakain ang sampaloc. Mukhang umaga kumakain ng sampaloc ang aktres dahil nasa bed pa siya at dagdag pa nito “Maasim, pero masarap” ang kanyang kinakain.

Makikita rin sa vlog na dinalhan siya ng breakfast ni Dennis sa kuwarto. Everyday daw ginagawa ni Dennis ang tanungin siya kung ano ang gustong kainin sa breakfast.

Niluluto nito o ipinaluluto sa cook nila at si Dennis na ang nagdadala sa kuwarto nila.

Ang cute kayang tingnan ni Dennis na dala-dala ang breakfast tray.

May sinabi si Dennis sa vlog na nagpa-emotional sa kanya. Sabi nito, “Bilang ama, marami akong naging pagkukulang at pagkakamali, babawi ako ngayon.”

Kaya reaction ng mga netizens, suwerte ng magiging baby nina Dennis at Jennylyn dahil tiyak na sobrang pagmamahal ang ibibigay ng kanyang parents.

In fairness, mabuting ama naman si Dennis sa anak na si Calyx na binatilyo na ngayon at lagi ngang magkasama ang mag-ama sa bonding moments nila kasama siyempre ang anak ni Jennylyn na si Jazz.