Stamp Fairtex nakapusta kay Olsim sa ONE 158

ni MC - @Sports | June 2, 2022

Mabilis na dumami ang miyembro ng fans ni Team Lakay standout Jenelyn Olsim habang unti-unting sumisikat sa kanyang mixed martial arts career. Isa na riyan si Stamp Fairtex ng Thailand na nagpapakita rin ng suporta sa talented Pinay.

Makikipagbangasan si Olsim kay Julie Mezabarba sa ONE 158: Tawanchai vs. Larsen na live broadcasts mula sa Singapore Indoor Stadium sa Biyernes, June 3. Naniniwala si Stamp na bihasa na si Olsim sa ground game na malupet sa atomweight clash.

“I predict that Jenelyn will win. In my opinion, Julie’s strength is striking and of course, she’s got weaknesses on the ground game. While Jenelyn’s strengths are the same as Julie’s, Julie’s weakness is that she doesn’t have enough skill on the ground,” saad ni Stamp. “I think both of them are strikers so it’s equal, but Jenelyn will have the advantage because she also has the ground game.”

Nakapagtala si OIsim ng 2-1 sa kanyang ONE Championship main roster debut. Mula sa ONE Warrior Series, ang Team Lakay star ay bihasa sa striking background, kung saan sa Baguio City ang training ng mga ito at may abilidad sa Wushu. Mahusay na rin ang 25- anyos sa grappling arts.

Noong ONE: Fists of Fury III ng March 2021, sinorpresa ni Olsim ang fans sa kanyang abilidad na magpatumba ng katunggali. Isang phenomenal performance ang kanyang ipinamalas sa ONE Championship debut kontra Maira Mazar sa bisa ng Power Guillotine.

Hindi naman inaasahan na tatalunin ni Olsim ang Brazilian, kung saan ipinakita ng Filipina ang tapang at winning mentality.