Sparring partners, pinahanga ni Pacman

ni MC - @Sports | July 11, 2021

Ilang kaliweteng fighter ang dumating sa Wild Card gym upang subukan ang husay ni Manny Pacquiao bilang paghahanda sa welterweight title unification bout nito kontra kay Errol Spence Jr. Agad na humanga ang sparring partners nito na si Alexis Rocha at Maurice Lee dahil sa edad na 42 ay talagang malakas, mabilis at mahusay pa rin umano si Pacquiao.

Si Lee, dating naka-spar ni Floyd Mayweather, ay may taas na 5-foot-10 at may 12-1 pro record. "He's sharp. Sharp first day, he already sharp," wika ni Lee sa paghaharap nila ni Pacquiao sa sparring session. "I predict a decision win over Errol Spence. Possible a knockout." Samantalang si Rocha na nagsilbing sparmate nina Saul "Canelo" Alvarez, Terence Crawford at Jermain Taylor ay may taas na 5-foot-10 na mas matangkad ng kaunti kay Spence.

Ayon kay Rocha, mahirap kalaban ang fighter na kagaya ni Pacquiao. "It's different with Manny because of his awkwardness. It's hard to figure him out there," wika nito sa isang interview. "When he let his hands go they come from different angles, it's like what the hell is happening. Where are they coming from." Kahit alam nitong mahihirapan si Pacquiao sa laban nito kontra kay Spence, pero naniniwala itong mapapalaban ng husto si Spence. "Errol Spence is no joke. But you can't count Pacquiao out. He basically blew out Keith Thurman. It's a 50-50 fight in my opinion," ani Rocha.

Samantala, bukas pa rin ang PBA na isama bilang guest team ang Gilas Pilipinas sa 2021 season ng liga na magsisimula sa July 16 sa Ynares Sports Arena sa Pasig City.

Ayon kay PBA commissioner Willie Marcial, pag-uusapan nila ang isyu kasama si Samahang Basketbol ng Pilipinas president Al Panlilio matapos silang bigyan ng go-signal ng gobyerno para buksan ang kanilang 46th season. “Depende sa pag-uusapan din namin ni SBP president Al Panlilio kung makakalaro ang Gilas kahit hindi buong conference,” banat ni Marcial.