Sori na lang sa fans, super private raw… KRIS, UMAMING 'DI BONGGA ANG KASAL NILA NI MEL

ni Nitz Miralles - @Bida | November 11, 2021

Hindi grand wedding ang plano nina Kris Aquino at fiancé niyang si Mel Sarmiento kapag ikinasal na sila. Sinagot ni Kris ang comment ng isa niyang follower sa Instagram na looking forward siya sa grandest wedding entrance ni Kris.

“I don’t mean to be a spoiler nor disappoint you but our wedding is going to be TINY and super private. No entourage. No wedding planner. Totally not what you’re expecting.”

Pero kahit simple ang maging kasal ni Kris, excited pa rin ang kanyang mga fans at pati non-fans na mapanood ang sinabi niyang tiny wedding. Ang request ng mga fans, kahit video ng kasal ay mapanood nila na pagbibigyan naman siguro ni Kris.

Sinagot naman ni Mel ang comment ng isang netizen na maghihiwalay din sila ni Kris.

“I said in Bimb’s interview, I will spend the rest of my life with her, kaya 'yung paghihiwalay is not going to happen. I love her very much. - Mel S. Sarmiento, her future husband,” ang sigurado at confident nitong sagot gamit ang Instagram account ni Kris.