ni Fely Ng - @Bulgarific | October 07, 2021
Hello, Bulgarians! Nakatutuwang malaman na sa panahon ng pandemya, tulung-tulong ang lahat para labanan ang sakit na nagpatigil sa mabilis na takbo ng mundo. Hindi lamang indibidwal ang nagbubuklod kundi maging ahensiya ng pamahalaan at negosyante.
Malugod na tinatanggap ng SM ang mga booth ng VAXCertPH sa buong bansa. Ang SM Supermalls ay naging unang opisyal na partner sa venue ng VAXCertPH matapos pumirma sa kasunduan sa Department of Health (DOH) at Department of Interior and Local Government (DILG) sa SM City Clark, noong Lunes, Oktubre 4.
Sa paglunsad ng inisyatibo, sinabi ng SM na magbibigay sila ng mga partikular na lugar sa 76 SM malls para sa mga booth ng VAXCertPH kung saan maaaring ma-verify ng mga Pilipino ang kanilang digital vaccination record mula sa LGUs.
Naroroon sa MOA para sa pagpirma sina (L-R) Steven T. Tan, President SM Supermalls; Sec. Carlito Galvez, Jr., National Task Force (NTF) against COVID-19 Chief Implementer at Vaccine czar; Health Secretary Duque; DILG USec Jonathan Malaya; at, Vince Dizon, Testing czar.
Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.