Sarah Discaya: Trabaho para sa Pasigueño ang uunahin ko

ni Chit Luna @News | May. 1, 2025

Pasig City — Sa pagdiriwang ng Labor Day ngayong Mayo 1, muling pinagtibay ni mayoral candidate Sarah Discaya ang kanyang pangakong unahin ang kapakanan ng mga manggagawang Pasigueño.

Ayon kay Ate Sarah, kung siya ay papalaring mahalal, pangunahing tututukan ng kanyang administrasyon ang pagbibigay ng mas maraming oportunidad sa lokal na hanapbuhay para sa mga residente ng Pasig.

“Ang trabaho, dapat para sa Pasigueño. Huwag nating ipagkait sa sariling kababayan ang oportunidad na umasenso,” ani Discaya.

Binigyang-diin pa ni Ate Sarah na mahalagang bigyang-prayoridad ang mga Pasigueño sa mga oportunidad sa trabaho upang mapalakas ang lokal na ekonomiya at matugunan ang mga pangunahing pangangailangan ng bawat pamilya. Bahagi ito ng kanyang pangarap na magkaroon ng isang pamahalaang bukas, makatao, at tunay na may malasakit sa sariling komunidad.

Si Ate Sarah ay isang matagumpay na negosyante at may-ari ng isang quadruple-A construction firm na nakabase mismo sa Pasig City. Kilala siya sa pagbibigay-prayoridad sa mga taga-Pasig at kasalukuyang nagbibigay ng trabaho sa daan-daang empleyado. Ayon sa kanya, higit 90% ng kanyang mga manggagawa ay Pasigueño — patunay ng kanyang paninindigan na ang tagumpay ay mas makabuluhan kapag ibinabahagi sa sariling komunidad.

Isa sa kanyang matibay na tagasuporta ay ang kanyang asawang si Kuya Curlee, na patuloy na nagpapatunay kung gaano nila pinahahalagahan ang mga manggagawa bilang pundasyon ng isang maunlad na lungsod.

Ngayong Araw ng Paggawa, nakikiisa sina Ate Sarah at Kuya Curlee sa pagkilala at pagbibigay-pugay sa lahat ng manggagawang Pilipino, lalo na sa masisipag na Pasigueño.

Sa ilalim ng kanyang pamumuno, layunin ni Ate Sarah na dalhin ang lungsod sa isang bagong yugto ng pag-unlad — kung saan ang bawat manggagawa ay may dignidad, hanapbuhay, at pag-asa.

Mabuhay ang manggagawang Pilipino! Mabuhay ang Pasigueño!

Matapos ang Pooled PCR Testing, Pooled Saliva test, next! – Concepcion

ni Thea Janica Teh - @Bulgarific | January 9, 2021

Hello, Bulgarians! Matapos ang successful Pooled Swab Testing sa bansa, pinasalamatan ni Presidential Adviser for Entrepreneurship at Go Negosyo Founder Joey Concepcion ang Department of Health (DOH) sa pagpirma sa Interim Guidelines on the Conduct of COVID-19 Pooled Testing sa ilalim ng Department Memorandum No. 2020-0539.

Aniya, “Now, the most important thing is that testing will be faster, and the capacity will increase. Pool testing is efficient as it would bring the cost to around 750 pesos in the pool of 5, versus 750 for only one individual.”

Maraming LGUs ang natulungan ng pooled testing simula pa noong Setyembre. Ilan sa mga ito ay ang Makati City, Southern Iloilo, Pasig City, Pasay City at Quezon City na nakapagpa-test na ng halos 15,012 indibidwal.

Sa inilabas na pahayag ni Makati City Mayor Abby Binay, sinabi nitong, “Companies and businesses with large workforces can continue securing the health and safety of their employees by signing up for pooled swab tests. This can be done regularly, especially now that the majority of companies have asked their staff to resume working on-site.”

Samantala, naglabas din ng pahayag si Quezon City Mayor Joy Belmonte at sinabing “We appreciate the continuous support of Project Ark in our battle against COVID-19. This initiative complements our testing efforts as we slowly gear towards revitalizing our economy.”

Ang Pooled Swab testing ay inaral ng Philippine Society of Pathologist Incorporated (PSPI), Research Institute of Tropical Medicine (RITM) at Philippine Children’s Medical Center (PCMC). Ang pondong ginamit dito ay pinagsama-samang donasyon ng Go Negosyo kasama ang mga pribadong sektor.

Ayon sa DOH, malaking tulong ang pooled swab test dahil mas madaling natutukoy kung ilan ang positibo sa virus. “Furthermore, it allows the opportunity for testing and targeting even asymptomatic individuals, as well as checking and monitoring areas in the country with low or decreasing COVID-19 prevalence.”

Sa ngayon, sa pangunguna ni Dr. Raymundo Lo, Head ng PCMC COVID-19 Testing Laboratory ay inuumpisahan na ang pag-aaral sa Saliva-Based Testing and Pooled Saliva-Based Testing para sa mas mabilis at mas abot-kayang COVID-19 test sa bansa.

COVID-19 vaccine, walang Pilitan — Mayor Ynares

ni Thea Janica Teh | January 13, 2021

Naglaan na ng P300 milyon ang pamahalaang lokal ng Antipolo para makabili ng

COVID-19 vaccine at maipamahagi nang libre sa kanilang mga residente.

Ayon kay Antipolo City Mayor Andrea Ynares ngayong Miyerkules, naghahanda na umano ang lungsod ng guidelines para sa vaccination program sa pakikipagtulungan sa National Task Force against COVID-19 at Department of Health.

Aniya, "Darating ngayong taon ang COVID vaccines na ating in-order sa tulong ng NTF at DOH.” Dahil sa kontrobersiyal na Dengvaxia, minabuti ni Ynares na maging boluntaryo sa kanilang mga residente ang pagpapaturok ng COVID-19 vaccine.

"Nauunawaan namin ang pangamba ng iba dahil sariwa pa sa ating mga isipan ang dulot ng side effects ng bakunang Dengvaxia. Ang libreng COVID vaccination program po ay magiging voluntary para po sa mga Antipolenyong nais magpabakuna,” ani Ynares.

Bahagi pa ni Ynares, naka-standby na ang health team ng lungsod para sa target rollout at implementasyon ng programa na maaaring magsimula sa 3rd o 4th quarter ng 2021.