SHARON, INAMING SI ROWELL ANG TOTGA NIYA

ni Vinia Vivar - @Frankly Speaking | December 09, 2021

Inamin ni Sharon Cuneta na ang ex-boyfriend niyang si Rowell Santiago ang kanyang TOTGA (the one that got away).

Ini-repost ni Sharon sa Instagram ang lumang picture nila ni Rowell na magkasama na post ng isang ShaWell fan.

Sa caption, bukod sa pag-aming si Rowell ang kanyang TOTGA, sinabi rin ni Megastar na hindi niya kayang mabuhay nang wala ang aktor as her best friend. Inihalintulad din niya ito sa mister na si Sen. Kiko Pangilinan.

“I can live without most everyone else (*including any other ex!) outside of my family, but I can never live without this boy in my life. One of my bestest friends, TV show and concert director, leading man. Always the lovest. Like Kiko, his heart is so pure. So decent. A true gentleman.

Truly TOTGA,” caption ni Sharon.

Matatandaang sumikat ang love team nina Sharon at Rowell noong dekada '80 matapos nilang gawin ang Cross My Heart in 1982.

Matapos ang mahigit tatlong dekada, muling nagkasama sina Sharon at Rowell sa FPJ’s Ang Probinsyano at ito marahil ang dahilan kaya muling nabuhay ang ShaWell fans.