Shaina at Ruru, sey n’yo? PIKTYUR NINA PIOLO AT BIANCA HABANG TODO-TITIGAN, KALAT NA

ni Nitz Miralles - @Bida | December 18, 2021

Ginawan agad ng istorya ang nag-viral na photos nina Piolo Pascual at Bianca Umali na nagkita sa housewarming party ng Belo Beauty sa Pampanga. Bagay daw ang dalawa at may chemistry, lalo na sa larawang nagtitigan sila at nakangiti.

Ngayong break na sina Bianca at Ruru Madrid at single naman daw si Piolo, puwedeng maging sina Piolo at Bianca, at sigurado raw na walang kokontra, gaya nina Rico Blanco at Maris Racal na agad tinanggap ang relasyon kahit malaki ang age gap.

Kaya lang, may nagtanong, paano raw si Shaina Magdayao na ang alam ng marami ay very special kay Piolo?

Naku, hayaan na natin sina Piolo, Bianca at Shaina ang lumutas sakaling magkaproblema silang tatlo.