Senate President na… CHIZ, GRADWEYT NANG 'DYULALAY' NI HEART
- BULGAR
- May 22, 2024
- 1 min read
ni Erlinda Rapadas @Teka Nga | May 22, 2024
Ibang-iba na ang posisyon ngayon ni Sen. Chiz Escudero. Siya na ang pumalit kay Sen. Miguel Zubiri bilang Senate President at malaki ang responsibilidad na nakaatang sa kanyang balikat.
Tiyak na hindi na niya masasamahan nang madalas si Heart sa mga fashion events sa New York, Paris at France. For sure rin, hinding-hindi na siya makikitang nagbibitbit ng bag at nagmimistulang "dyulalay" ni Heart. Hindi na rin aawra na mala-fashion model sa Paris si Sen. Chiz.
Dati kasi ay sumasabay si Sen. Chiz kay Heart sa pagiging fashionista at napagsusuot pa siya ng kanyang wifey ng leather jacket.
Well, siguro naman ay mismong si Heart na ang babago sa image ng kanyang mister na ngayon ay itinalaga na bilang Senate President. Mas seryoso at mas mabigat ang responsibilidad dahil isa na siyang respetadong SP.
Tiyak na magiging asset din si Heart ni Sen. Chiz Escudero. Magkakatulungan silang pareho sa kani-kanilang goals na gustong marating. They complement each other.
Comments