Senador lang dapat… SHARON, TAKANG-TAKA KUNG BAKIT SI KIKO ANG NAPILING VP NI LENI

ni Julie Bonifacio - @Winner | December 07, 2021

Malinaw na idinetalye ni VP Leni Robredo kung paano niya napili si Sen. Francis “Kiko” Pangilinan to be her running mate as VP for the coming election during her exclusive interview with Megastar Sharon Cuneta for her YouTube channel.

Diretsahang tinanong ni Mega si VP Leni kung ilang tao raw ang nakausap niya before she came up with a decision na ang asawa niya ang maging VP nito sa May, 2022 elections.

“Ma'm, matanong ko po kayo, ilan po ang nakausap n'yo bago kayo mag-decide na si Kiko po ang maging vice-presidential candidate n'yo? At matanong ko po, Ma’m, bakit po si Kiko?”

natatawang tanong ni Mega.

Natawa rin si VP Leni.

“Me konting… bakit po si Kiko?” takang-taka pang tanong ulit ni Mega kay VP Leni.

Sagot ni VP Leni, “Actually, maraming isina-suggest sa akin. Maraming isina-suggest na ganito. Ang tinitingnan namin at first uh, baka puwede pang mag-unify with other parties para mabawasan ang kandidato. Pero ‘yung unification nga didn’t work. So, nu’ng hindi nag-work ‘yung unification, siyempre, titingin na ako sa mga sariling kasama.”

Inamin ni VP Leni kay Sharon na hindi niya talaga naisip si Senator Kiko noon na maging ka-team niya as VP for the coming election.

“Kasi, I knew the personal circumstances,” sambit ni VP Leni na ang maaaring tinutukoy ay ang uncle ni Sharon na si Senator Tito Sotto na maagang nagdeklara ng pagtakbo as vice-presidential candidate.

“Para sa akin, parang sobrang unfair for him. Pero nu’ng may mga nakausap ako, all suggesting him, parang ‘yung feeling mo na he makes the most sense,” diin ni VP Leni.

Una raw kasi, komportable si VP Leni sa mister ni Sharon. Pangalawa, halos pareho raw ang personality nila ni Sen. Kiko.

Singit naman ni Mega, may pagkakahawig din daw si Sen. Kiko sa moral values at ideolohiya ng yumaong mister ni VP Leni na si former DILG Secretary Jesse Robredo.

“Saka ‘yung importance ng family. Alam mo ‘yung every time na may makakausap ka, ‘Why not Sen. Kiko?’ Tapos, palagi mong iniisip, ‘Oo nga. Parang dapat talaga si Sen. Kiko.'”

Hanggang sa tinext daw ni VP Leni si Sen. Kiko.

“Sen. Kiko, I talked to some people and they were suggesting na ikaw and, ramdam ko talaga na dapat ikaw.”

Nabigla raw si Sen. Kiko sa sinabi ni VP Leni dahil Sharon’s hubby is already ready to file for another term for his senatorial bid.

“Nabigla rin po kami noon dahil nasa Amerika kami ni Frankie (eldest child nila ni Sen. Kiko),” sabi ni Sharon.

Ipinagdasal daw ni VP Leni na umoo si Sen. Kiko.

“But I would perfectly understood na ikaw ‘yung aayaw,” sabay tingin ni VP Leni kay Sharon.

Paliwanag daw ni Sen. Kiko kay VP Leni, puwede lang siyang magbigay ng sagot kapag nagkausap na sila ni Sharon.

At nu’ng nagkausap na raw sina Sen. Kiko at Sharon, nag-alala si VP Leni na baka galit sa kanya si Mega.

“Baka isipin ni Sharon, ginugulo ko ‘yung buhay nila,” seryosong biro na paglalahad ni VP Leni.

At this point, hindi naman nakatiis si Sharom to give her side sa mga panahong ‘yun.

“Ma’m, hindi po naging madali sa akin. Pero inisip ko talaga ‘yung situation ninyong dalawa na sense of duty po talaga, eh.

“Sa akin, I cannot dictate to my husband who has been wanting to serve since he was 17 years old.

“And I cannot also say, ‘No, don’t support Ma’m Leni.' Because feeling ko, you know this, like last year pa sinabi ko, ‘Ma’m, if you run for president, I will really support you.’ Of course, we knew your family, (pero) ‘yung katapatan ninyo ang nag-move sa akin,” lahad ni Sharon.

So, there.