Second baby na… MIRIAM, BUNTIS ULI SA EDAD NA 45

Julie Bonifacio - @Winner | January 3, 2021

Isa na namamg himala para sa dating beauty queen na si Miriam Quiambao ang pagdating ng pangalawang anak nila ng mister niya at manunulat na si Ardy Roberto.

Hindi kasi inasahan ni Miriam na magbubuntis pa siyang muli pagkatapos ng kanilang first born na si Elijah noong February, 2019.

"Another miracle ito, 'di ba? Imagine, 45 years old na ako. 1 to 2 percent chance of getting pregnant, tapos ito, wala pang mga work-ups, spontaneous pregnancy siya," pahayag ni Miriam sa vlog na in-upload niya sa YouTube channel nila ni Ardy last December 30.

Hindi na raw talaga siya nag-e-expect na mabubuntis pang muli, bagama't ipinagdarasal daw nila at pinaplano ang pagkakaroon ulit ng isa pang anak.

"It was really a surprise, a very pleasant surprise. We just want to encourage everybody who's down and out, or just low on hope this 2020 not to give up on hope and whatever your dreams, whatever you're praying for, there's nothing really impossible with God," sabi naman ni Ardy.

Eight weeks pa lang daw ang baby na nasa tiyan ni Miriam kaya 'di pa nila alam ang gender ng kanilang second child.

Six years na ang nakalipas simula nu'ng ikasal si Miriam sa biyudong si Ardy noong 2014.

To Ardy and Miriam, congrats!