Secret noon, buking na ngayon… ALDEN AT HEART, DUMADALAW SA ISA’T ISA

ni Nitz Miralles @Bida | October 20 2026

Photo: Alden RIchards at Heart Evangelista - IG

May official advisory ang Myriad Corporation sa gagawing fun run na pangungunahan ni Alden Richards.

Pahayag nila, “FunRide PH 2026, originally scheduled for Saturday, November 7, 2026, in the City of Manila, has been rescheduled to Saturday, December 19, 2026.

“This change is in accordance with our National Government’s directives on road access and restrictions as they prepare the country to host the 49th ASEAN Summit in Manila this November 2026.

“We fully support these measures and the country’s role as host of the ASEAN Summit and wish for the summit to proceed safely and smoothly for our guests and fellow Filipinos.

“All registrations remain valid for the new event date. No additional action is required.

“Race kits, routes, and ride categories remain unchanged. The 5KM, 10KM, and 21KM categories will retain their existing race kit inclusions and planned routes.

“For any concerns and questions, you may send us a message on Facebook and Instagram, or send us an email via admin@funrideph.com.”

Samantala, pumunta si Alden sa 2nd day ng “Heart & Friends Closet Party” ni Heart Evangelista. Sa video, nakita ang aktor na sinamahan ni Heart mag-ikot sa venue. Sa isa pang video, si Heart ang personal na nag-check ng bag na parang binili ng aktor.

Sa interview, nabanggit na close friends sila at nagkakasundo dahil pareho silang mahilig mamulot ng aso. In fact, may bagong adopted dog si Alden na naka-post na sa kanyang Instagram (IG). Nai-share rin niya na kapag may time, dinadalaw nila ni Heart ang isa’t isa. Hindi lang ito nababalita.

Dahil sa tsikang ito, may mga requests sa GMA na bigyan sila ng project together. Matagal na raw gustong makatrabaho ni Alden si Heart at napapanahon na.

Samantala, ibinalita rin ng aktor na balik-taping na siya ng Code Gray. 

Aniya, “Vested ako sa project na ‘to, from the story to the cast. May pilot episode na kami, inaayos pa, pero naiyak ako sa napanood ko.”

---

NAGSIMULA nang mag-shooting sina Ashtine Olviga at David Licauco ng Viva One series na Fight for My Way (FFMW). Dahil dito, todo-kilig na ang mga fans ng dalawa. 

Well, nangako si Direk Crisanto Aquino ng more kilig scenes, kaya i-expect natin na magsisigawan ang mga fans habang nanonood ng series na Philippine adaptation ng Korean hit series na may kaparehong title.

Natutuwa ang mga fans dahil kahit may ka-love team sina Ashtine at David, makikita pa rin ang chemistry nila. Hindi nila kailangang magkaroon ng romantic relationship, sapat na sa ngayon na friends sila at maganda ang working relationship.

Makikilala sina David at Ashtine bilang sina Hanz at Aira, respectively.

“We’re both grateful na kami ang napili for the said roles and characters. The best that we can do is to give our best para magampanan ang roles namin,” sey ni David na sinang-ayunan ni Ashtine.