Sangalang, finalist na sa ONE The Apprentice

ni MC - @Sports | June 03, 2021

Pinoy Pride bet si Louie Sangalang nang pumasok ito sa finals ng The Apprentice:ONE Championship Edition.

Ang 43-anyos na procurement consultant ay isa sa final candidates na nanatiling lumalaban sa kompetisyon at katunggali na niya si Venezuelan sales director Jessica Ramella.

Nadale ng dalawa ang iba pang competitors at nitong huli ay sina Monica Millington ng U.S. at Irina Chadsey ng Russia sa Episode 11 ng business challenge kung saan kinakailangan sa trial ang last two pairs na lilikha ng konsepto na magpapaibayo sa husay ng isang non-governmental organizations (NGOs) na makakuha ng donors at volunteers.

Ang presentasyon nina Louie at Jessica para mabenepisyuhan ang LOVE, NILS na isang international organization na sumusuporta sa mga kabataang may cancer at sa kanilang caregivers ang nanaig sa Habitat for Humanity concept nina Chadsey at Millington.

Ang dalawa ay gumamit ng Twilio’s technology upang makakonekta sa target audiences na sinaksihan ni guest judge Twilio CEO Jeff Lawson. Lumikha sina Louie at Jessica ng AI chatbot gamit ang Twilio technology para maipaabot ang emotional at social support sa mga pasyente at kani-kanilang pamilya kasunod ng interaksiyon mula sa posibleng donors. Nagagawa ng chatbot na magkausap ang pasyente, magulang at donors.

Inspirasyon ni Louie ang paglikha ng NGO dahil na rin sa pagiging cancer survivor niya, bagamat may ilan siyang kaibigan at kakilala na pumanaw sa naturang sakit.

"Towards my last year in the university, that's when they found out I had cancer. After surgeries, chemotherapy and radiotherapy, I started getting better. So this particular business challenge is quite close to my heart because it's about helping all these cancer patients and cancer survivors. I just want to give back," aniya.

"Louie has that grit, that resilience, and that calmness about him. And clearly he's very, very competent if you look at everything he does," saad ni ONE C'ship CEO Chatri Sityodtong.