Sa groundbreaking, si Daniel… KATHRYN, SI ALDEN NA ANG KASAMA SA HOUSE BLESSING

ni Beth Gelena @Bulgary | Abril 13, 2024

Nagpa-house blessing na si Kathryn Bernardo ng kanyang dream house at isa sa mga naimbitahang dumalo si Alden Richards. 

Pawang closest friends and family lang ang inimbitahan ng Asia's Superstar sa kanyang bagong tahanan. 

Sa ilang larawan na ipinost ng KathDen fan page, makikitang naka-pose si Kathryn sa new house with her parents, as well as actress Dimples Romana and ABS-CBN Boss Carlo Katigbak. 

May short clip din na ka-bonding ni Kathryn si Alden habang nag-e-enjoy silang umiinom. 

Feeling ng ilang netizens, early promo ito para sa pagsasamahang Metro Manila Filmfest entry ng KathDen.

"Hahaha! Grabe, April pa lang, for the December movie, mahaba-habang promohan ito.

Hahahaha, 8 months! Pero DongYan (Dingdong & Marian) pa rin ang papanoorin ko sa

MMFF," sey ng isang netizen.

Sagot naman ng isa pa, "Kung promo 'yan, ibig sabihin, pumapayag si K (Kath) na i-promo siya? I hope not."

Pero may naniniwala ring for real ang closeness ngayon nina Kathryn at Alden.

"Wow, itinotodo-todo ni Alden! Sana, totoo at magkatuluyan."

"Hala, parang same silang dalawa na kinilig, haha!"

"Now ko lang nakita si Alden na ganito kasipag puntahan lahat ng parties ng isang tao lang nag-invite. Lakas ng feeling ko, mag-M.U. na sina Alden at Kath."

"Bagay sila. Basta totoo ang feelings ni Alden, go at hindi lang promo."

"Sila ang itinadhana. Kung tunay man, sobrang swak!"

Ewan kung KathNiel fan ang nag-comment ng "How painful, DJ was in the ground breaking, but not in the house warming."

Sagot ng isa, "And whose fault is that?"

Dagdag-komento pa, "Wala namang final confirmation for HLG 2 (Hello, Love, Goodbye).

Maybe they are friends or getting-to-know stage? Minsan kasi, people hang-out naman and be legit friends."

"First time seeing Alden making time for someone. Kathryn must be really special. 

"Kath's glam team and BFF are following Alden sa Instagram, but not DJ."

Isang netizen ang may positive comment, “Wishing the best for these two beautiful people.”

Well, abangan na lang natin kung saan hahantong ang Kathryn-Alden closeness.