ROBI, TODO-KAYOD PARA SA IPINATATAYONG BAHAY

ni Julie Bonifacio @Winner | October 16, 2023

Napakahusay talagang mag-host ni Robi Domingo. Tama siya na ipaglaban ang career niya sa showbiz more than the desire of his parents na maging doktor siya.

Left and right ang hosting jobs niya sa ABS-CBN, mapa-TV show or mapa-special event.

Sa ginanap na finale mediacon ng Unbreak My Heart, si Robi ang host. At dahil it’s a collaboration ng ABS-CBN, Viu at GMA-7, nakakaaliw ang mga banter niya especially sa Kapuso top executive na si Atty. Annette Gozon.

Pinansin kasi namin ang katawan ni Robi na medyo payat kesa nu'ng huli namin siyang nakita pagkatapos niya kaming i-acknowledge sa crowd.

Nag-comment naman si Robi dahil need niyang mag-work nang work. Kulang pa raw kasi ng budget para sa tiles ng ipinapatayo niyang bahay. We assumed na para ito sa pagse-settle down nila ng nobya niyang si Maiqui Pineda.

Pagkatapos ay kunwaring itinuro sa kanya ng ilang media friends niya na kunin niyang ninang si Atty. Annette sa wedding nila ni Maiqui.

Pero biro ni Robi, nakakahiya naman dahil wala naman siyang regular show sa GMA-7.

Although, panay naman ang tango ni Atty. Annette na ibig sabihin ay okey sa kanya.

Ang bonggang magbiro ni Robi, ‘di ba?

Baka kasi patulan ni Atty. Annette ang parinig niya na wala siyang show sa GMA-7 at maisipang kunin siya for a project. And then, ninang pa sa kasal nila ni Maiqui.

Siyanga pala, down to the last five weeks na lang ang matagumpay na collaboration ng GMA-7 at ABS-CBN, ang Unbreak My Heart.

Dahil d’yan, asahan na ang mga susunod pang proyekto from ABS-CBN and GMA-7 after Unbreak My Heart.

Ang Unbreak My Heart ay pinagbibidahan nina Jodi Sta. Maria, Joshua Garcia, Richard Yap, Gabbi Garcia, Nikki Valdez, Sunshine Cruz, Romnick Sarmenta, Jeremiah Lisbo, Bianca de Vera, Will Ashley de Leon, PJ Endrinal, Maey Bautista and Eula Valdez directed by Manny Palo and Dolly Dulu.