top of page
TALKIES - KARA- OKAY LANG NA ‘DI MAGALING MAG-ENGLISH SI MARIAN_IG _marianrivera & _karada

Rally kontra Pax Silica sa Cebu, 2 reporter at 2 pulis nadale

Writer: BULGAR
BULGAR
24 minutes ago
1 min read

by Mervin Reyes @News | November 18, 2026



Rally protesta kontra Pax Silica sa Cebu - Jacq Hernandez - Circulated

Photo: Rally at protesta kontra Pax Silica sa Cebu - Jacq Hernandez - Circulated



Dalawang mamamahayag at dalawang pulis ang iniulat na nasugatan sa protesta laban sa Pax Silica initiative sa kahabaan ng Colon Street sa Cebu City nitong Lunes.


Itinanggi ng Cebu City Police na sila ang nagsimula ng komosyon at sinabing una nilang ipinatupad ang maximum tolerance sa demonstrasyon kahit walang rally permit.


Ayon sa pulisya, nakialam lamang sila matapos umanong magsunog ng effigy ang ilang raliyista at tangkaing agawin ang isang fire extinguisher, na nagdulot ng tensyon sa pagitan ng dalawang panig.


Kinumpirma ng pulisya na dalawang opisyal nila ang nasugatan. Bukas din umano sila sa imbestigasyon kaugnay ng mga ulat na dalawang mamamahayag ang nasaktan sa insidente.


Samantala, kinondena ng Bagong Alyansang Makabayan (BAYAN) Central Visayas ang naging aksyon ng pulisya. Binatikos din ni ACT Teachers Party-list Representative Antonio Tinio ang tinawag niyang marahas na dispersal sa mga nagpoprotesta.


Isinagawa ang demonstrasyon bilang pagtutol sa paglahok ng Pilipinas sa Pax Silica initiative at sa pagbisita ni United States President Donald Trump para sa 49th ASEAN Summit.

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page