Kilos-protesta ng INC sa EDSA, pinalagan

ni Mylene Alfonso @News | July 1, 2026

Photo: Nagkagirian ang mga raliyista at pulis, ilang sandali nang magsagawa ng kilos-protesta sa EDSA People Power Monument dahil sa kawalan ng permit at nagdulot din ng matinding pagsisikip ng daloy ng trapiko ang surpresang rally sa bahagi ng EDSA kanto ng White Plains Avenue. (Jeff Tumbado)

Bawat karapatang konstitusyonal, kabilang ang karapatang magtipon, ay may kaakibat na pananagutan at paggalang sa batas.

Ito ang iginiit ni Dr. Jose Antonio Goitia kasunod ng malawakang rally sa EDSA na, ayon sa mga otoridad, ay isinagawa nang walang kinakailangang permit at nagdulot ng matinding abala sa mga motorista, manggagawa, estudyante, pasyente, rider, at maliliit na negosyante.

“Mahalaga ang karapatang magtipon nang mapayapa, ngunit hindi ito dapat magdulot ng hindi kinakailangang pasanin sa milyun-milyong Pilipinong nagtatrabaho, nag-aaral, bumibiyahe, at naghahanapbuhay,” ani Goitia.

Ayon sa kanya, ang permit ay hindi simpleng red tape kundi mekanismo upang magkaroon ng maayos na koordinasyon, seguridad, at pamamahala sa trapiko para maprotektahan ang kapakanan ng publiko.

Binigyang-diin din ni Goitia na ang due process ay karapatan ng bawat Pilipino at ang mga akusasyon ay dapat resolbahin ng hukuman batay sa ebidensya, hindi ng social media, pulitika, o opinyon ng publiko.

“Sa isang tunay na demokrasya, ang bawat karapatan ay may kaakibat na pananagutan,” ani Goitia.

Riot sa Mendiola, organized attack, ‘di tunay na protesta — DILG

by Info @News | September 23, 2025

Photo: Manila DRRMO BG / DILG

Sinabi ni Department of the Interior and Local Government (DILG) Sec. Jonvic Remulla na isa umanong organized attack at hindi tunay na pagprotesta ang nangyaring riot sa Mendiola kasabay ng kilos-protesta laban sa korupsiyon nitong Linggo, Setyembre 21.

Ayon kay Remulla, binayaran daw ng P3,000 ang mga kabataang nasa 11-anyos pataas mula sa paligid ng Quiapo para sumali sa nangyaring riot.

“Mukhang lumalabas organized group… ang bayad nila sa mga bata ay 3,000 each. May mga videos pa kami na pinapakita nila mga pera nila at niyayabang sa social media,” ayon kay Remulla.

Dagdag pa niya, “Ang instruction [sa mga kabataan], kung kaya niyo umabot ng Palasyo, sunugin niyo. Ganoon lang.”

Gayunpaman, hindi umano sila puwedeng magturo basta-basta sa mastermind ng nasabing gulo.

‘No contact apprehension’ policy, papatay sa kabuhayan ng mga tsuper — Transport groups

ni Jasmin Joy Evangelista | September 11, 2021

Nagsagawa ng kilos-protesta sa Bonifacio Shrine ang ilang grupo para ipanawagan ang pagbabasura ng "no contact apprehension" policy sa Maynila.

Kabilang sa mga nagkasa ng protesta ay ang mga miyembro ng PISTON, Laban TNVS, Defend Jobs Philippines, Metro Manila Taxi Operators Association, Manibela at Bangon TNVS.

Dagdag-pasanin anila ang polisiya sa mga maliliit na driver at operator lalo na ngayong may pandemya.

Giit pa nila, ‘wag naman daw sanang magpatulad ng patakaran na siya ring papatay sa kanilang kabuhayan.

“Ang problema dito hindi mo na maipagtatanggol 'yung sarili mo dahil camera na 'yung kukuha sa'yo... Ang transport serbisyo rin, nagseserbisyo kami sa mamamayan, eh, ‘di dapat tulungan kami hindi dapat pahirapan ng local at national [government]," ani PISTON National President Modesto Floranda.

Nanawagan din sila na babaan ang halaga ng multa lalo na sa mga simpleng violation.

Nakikiusap din ang mga grupo kay Manila Mayor Isko Moreno na huwag na itong ipatupad.

Patuloy na umaasa ang mga transport group na pakikinggan ang kanilang mga hinaing.