PSC at CHED, nagtulong para sa Tertiary Sports Development

ni MC - @Sports | March 12, 2021

Pormal nang nilagdaan nina Philippine Sports Commission (PSC) Chairman William I. Ramirez at Commission on Higher Education (CHED) Chairman Prospero De Vera III ang Memorandum of Agreement para sa paglinang ng Tertiary School Sports sa simpleng programa na ginanap sa CHED Auditorium, Diliman, Quezon City.

“I am so happy for this new forged partnership with CHED. They have been a brother to the PSC because as a small agency, we cannot be effective and succeed without the help of other agencies,” ayon kay Ramirez sa kanyang opening remarks.

Ayon pa kay Ramirez, naniniwala umano siya na ang partnership ang lilikha ng maraming mahuhusay na coaches atleta sa collegiate level. “This gives us the missing link in providing a professional development in continuous sports education and will cater more to the educational aspect of our teachers in coaching.” “We welcome this memorandum of agreement as it will allow us to join forces with the PSC in joint projects that we can initiate. We commit the support of CHED in all the undertakings on higher education sports development and wellness,” ayon naman sa statement ni De Vera.

Layunin din ng MOA na mapalakas ang pagsasanib-pwersa ng grupo sa pagbuo ng tertiary school sports development program upang masiguro na ang Sports Development Plans ay nakatuon sa national agenda at may pinakamataas na international standards.

Nagkasundo ang PSC at CHED na magtulungan sa pagbibigay ng training sa student-athletes, coaches at sports officials sa Higher Education sa pamamagitan ng professional development at patuloy na edukasyon para masiguro na maaabot ang mataas na level ng coaching at training skills alinsunod sa layunin ng bansa ng maka-produce ng world class athletes.

Ang ginaganap na National Sports Coaching Certification Course ay papasok na sa ilalim ng partnership na kikilala sa patuloy na layunin ng PSC na makapagbigay ng edukasyon.

Pag-uusapan din ang partnership kasama ang ilan pang plano ng ahensya sa National Sports Summit 2021.

Katuwang ni Ramirez sa MOA signing sina PSC Commissioner Celia Kiram at Chief of Staff at PSI National Training Director Marc Velasco, habang sa panig ng CHED, kaagapay ni De Vera sina Executive Director OIC Atty. Ryan Estevez at Deputy Executive Director OIC Atty. Lily Milla.