Personalized pa para sa b-day ng BFF… OSANG, NIREGALUHAN NG CHRISTIAN DIOR BAG NI SHARON

ni Nitz Miralles - @Bida | May 13, 2021

Ipinost at ifinlex (word ng mga bagets ngayon) ni Rosanna Roces ang advance birthday gift sa kanya ni Sharon Cuneta na isang personalized Christian Dior bag.

Sa May 25 pa ang birthday ni Osang, kaso lumipad si Sharon pa-Los Angeles at baka hindi pa makabalik agad, kaya ipinadala na niya ang kanyang birthday gift sa aktres.

Naka-post sa Instagram ni Rosanna ang bag na sa isang side, nakasulat ang “Rosanna R.” at sa kabilang side, nakasulat ang “Christian Dior.”

Sabi tuloy ni Osang, “Thank you very much for the advance B-day Gift @reallysharoncuneta.. Grabe, tulala pa ako hanggang ngayon. Personalized talaga, grabe... Love mo talaga ako.”

Nagkasama sa Viva Films movie na Revirginized sina Sharon at Rosanna at naging magkaibigan. Maaalalang niregaluhan din ni Sharon ng LV bag naman ang director nilang si Darryl Yap.

Naging close rin si Sharon kay Marco Gumabao na leading man niya sa nabanggit na pelikula. Kaya ang susunod na reregaluhan ni Sharon ng bag ay si Marco, sa birthday na siguro nito.