PCSO, tumulong sa Medical Mission ng National Police Commission

ni Fely Ng - @Bulgarific | November 9, 2021

Hello, Bulgarians! Kamakailan ay nagbigay ang Philippine Charity Sweepstakes Office (PCSO) sa ilalim ng Medicine Donation Program (MDP) ng Php50,000 halaga ng mga gamot sa National Police Commission, Anti-Kidnapping Group, Information, Education and Family Liaison Division (IEFLD).

Ang nasabing donasyon ay magiging mahalagang bahagi ng unit sa kanilang medical mission sa mga pamilya sa Munisipyo ng Besac, Mountain Province sa Cordillera Region.

Ang kahilingan para sa mga gamot ay nagmula sa Hepe ng IEFLD, Pol. Lt. Col. Renato B.

Ocampo sa ngalan ni Acting Director, PCOL. Rudolph B. Dimas. Ang Philippine National Police (PNP) ay kasali rin sa mga humanitarian activities, lalo na sa panahong ito na bumabalot ng banta ng COVID-19 sa bawat sulok ng bansa.

Ang PCSO Medicine Donation Program (MDP) ay ang pagkakaloob ng mga pangunahing gamot at mga supply upang dagdagan ang mga mapagkukunan ng mga karapat-dapat na pamahalaan at non-government, non-profit na organisasyon at health facilities upang bigyang-daan ang mga ito na maabot at makapaghatid ng epektibong serbisyo sa pangangalagang pangkalusugan.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.