Paulo, nagparamdam uli… PAOLO, DEDMA NA KAY LJ MULA NANG MAGHIWALAY

ni Julie Bonifacio - @Winner | October 29, 2021

Inabangan namin ang exclusive interview ni King of Talk Boy Abunda kay LJ Reyes sa YouTube channel ng TV host last Wednesday night.

Pasabog ang mga rebelasyong inihayag ni LJ sa relasyon nila ni Paolo Contis sa huling panayam sa kanya ni Kuya Boy. Lumikha ng malaking kontrobersiya sa showbiz ang pag-amin ni LJ kay Kuya Boy sa hiwalayan nila ni Paolo.

Sa pagpunta ni Kuya Boy sa US to host an event doon, nagkita at nagkausap ulit sila ni LJ sa New York.

Nakatira si LJ sa kanyang mother na owner ng The Buren Coffee Shop sa Brooklyn kung saan siya ininterbyu ni Kuya Boy.

As expected, ang juicy-juicy ulit ng panayam ni Kuya Boy kay LJ. Gaya na lang ng tanong ni Kuya Boy kung nag-reach-out na ba sa kanya si Paolo Contis pagkatapos ng mga nangyari.

“No,” simpleng tugon ni LJ. “No efforts.”

Tinanong din ni Kuya Boy si LJ kung napatawad na ba niya si Paolo.

“Tito Boy, it’s a work in progress. Uhm, ipinagdadasal ko na mapatawad ko siya. Because I know that if I don’t forgive him, uhm, this very dark emotion would just eat me up and I wouldn’t be able to move on with my kids. Move forward with my kids nang maayos, Tito Boy.

‘Yung walang galit.

“Siyempre, may pain. I mean, hindi po mawawala ‘yun. Pero, for me, to take uhm, at least decisions, or decisions that will benefit my kids. I really have to set aside those negative emotions which is very difficult, Tito Boy,” paliwanag ni LJ.

Araw-araw daw siyang nagdarasal na kung anuman ang gawin niyang desisyon, ito ay naaayon sa kalooban ng Diyos at kung ano ang makakabuti sa anak niya.

“I really do believe that I have to forgive, not forget, Tito Boy. Not forget, but forgive,” diin ni LJ.

Kung dedma si Paolo kay LJ until now, iba naman si Paulo Avelino na ama ng panganay niyang anak na si Aki.

Nag-message raw si Paulo kay LJ telling her na he knows what she's been going through.

But in case she needs anything, especially with their son, nand'yan lang daw si Paulo na very willing to help her.

Awww!