PAULEEN, SI JULIA ANG PINAGLILIHIAN

ni Beth Gelena @Bulgary Files | September 10, 2023

Nag-react si Pauleen Luna sa bagong uploaded na adorable video ni Julia Montes sa kanyang Instagram account.

Nagbahagi kasi ng isang video clip ang aktres sa kanyang IG feed upang ianunsiyo na meron na siyang TikTok account at nilagyan pa niya ito ng caption na: “Surprise!!!”

Litaw na litaw ang kagandahan ni Julia sa nasabing video clip, kaya na-amaze ang mga netizens at ipinahayag ang kanilang paghanga sa aktres.

Isa na nga rito ang misis ni Bossing Vic Sotto na si Pauleen na kasalukuyang ipinagbubuntis ang kanilang second baby. Feeling tuloy namin ay pinaglilihian niya ang rumored long-time girlfriend ni Coco Martin.

Ang iniwan kasi nitong komento sa naturang IG post ni Julia ay “Gandaaaaa.”

Nag-reply din naman si Julia rito at tinawag pa nga niyang “Ate,” si Pauleen.