Patay sa bagyo, habagat, 26 na

ni Jeff Tumbado @News | August 19, 2026

Photo: Search and rescue - PNP

Umabot na sa 26 ang nasawi habang 17 ang sugatan at isa ang nawawala dahil sa pinagsamang epekto ng mga bagyong Luis at Maymay at ng Southwest Monsoon o Habagat, ayon sa pinakahuling datos na inilabas ng National Disaster Risk Reduction and Management Council (NDRRMC) nitong Martes.

Ayon sa NDRRMC, pinakamarami ang nasawi sa Benguet na umabot sa 15, kabilang ang 10 sa Baguio City, tatlo sa Atok at dalawa sa La Trinidad. Karamihan sa mga insidente ay dulot ng landslide.

Samantala, isa pa ang nawawala sa Batangas City.

Tinatayang umabot naman sa P3.1 bilyon ang pinsala sa imprastraktura at P1.42 bilyon sa sektor ng agrikultura.

Samantala, nasa P760.1 milyon na ang kabuuang halaga ng tulong na naipamahagi sa mga apektadong pamilya at komunidad.