Bagyong Rosal, hahataw

by BRT @News | October 19, 2026

Photo: PAGASA-DOST

Inaasahang papasok sa Philippine Area of Responsibility (PAR) sa Martes, Oktubre 20, ang Super Typhoon Champi, na tatawaging Rosal, ayon sa PAGASA.

Alas-5 ng umaga sa bulletin nitong Linggo, Oktubre 18, namataan ang bagyo sa layong 2,230 kilometro silangan ng timog-silangang Luzon, taglay ang hanging 185 kilometro kada oras at pagbugsong 230 kilometro kada oras.

Kumikilos ang bagyo pahilagang-kanluran sa bilis na 25 kilometro kada oras at inaasahang unti-unting hihina pagsapit ng Miyerkules.

Posibleng magtaas ng tropical cyclone wind signals sa ilang bahagi ng Hilagang Luzon at Bicol Region sa Lunes ng gabi o Martes ng umaga. Inaasahan din ang malalakas na pag-ulan sa pinakahilagang Luzon.

43 patay sa mga bagyo, habagat

by Jeff Tumbado @News | September 7, 2026

Photo: PCO

Umabot na sa 43 ang nasawi, 20 ang nasugatan at lima ang nawawala dahil sa pinagsamang epekto ng pinalakas na Southwest Monsoon o Habagat at Tropical Cyclones Luis, Maymay, Neneng at Pilandok, ayon sa pinakahuling datos ng Office of Civil Defense (OCD) nitong Linggo.

Naitala ang mga nasawi sa ilang bahagi ng Cordillera Administrative Region, Ilocos Region, Central Luzon, CALABARZON, MIMAROPA, Western Visayas at National Capital Region.

Pinakamarami ang nasawi sa Benguet na umabot sa 15, kabilang ang 10 sa Baguio City, dalawa sa La Trinidad at tatlo sa Atok. Samantala, 20 katao ang nasugatan, kabilang ang 13 sa Benguet. 

Lima naman ang nawawala, kabilang ang tig-isa sa Quezon City, Manila, Batangas City, Rodriguez sa Rizal at Porac sa Pampanga. Karamihan sa mga kaso ay iniuugnay sa pagkalunod.

Bagyong Queenie, Rosal at Samuel, hahataw ngayong Setyembre

by Mai Ancheta @News | September 3, 2026

Photo: DOST-PAGASA

Inaasahang may dalawa hanggang tatlo pang bagyo ang papasok sa bansa ngayong Setyembre.

Ayon kay PAGASA Assistant Weather Services Chief Jorybell Masallo, kapag nabuo ang mga ito ay tatawaging Queenie, Rosal, at Samuel.

Nasa 20 tropical cyclones ang karaniwang nabubuo o pumapasok sa Philippine Area of Responsibility (PAR) bawat taon.

Sa ngayon, 16 na tropical cyclone na ang naitala ng PAGASA kung saan ang Bagyong Pilandok ang nabuo nitong huling linggo ng Agosto.