2 patay kay “Uwan” sa Catanduanes at Samar — OCD

by Info @News | November 10, 2025

Photo: Gatbalogan City FIre Station Samar

Nasa dalawang katao ang naiulat na nasawi sa Viga, Catanduanes at Catbalogan City, Samar dahil sa Super Typhoon Uwan, ayon sa Office of Civil Defense (OCD) ngayong Lunes, November 10, 2025.

“Sa casualty po natin, meron pong reported po sa atin pero subject again for validation pa ito,” saad ni OCD deputy administrator for administration Assistant Secretary Bernardo Rafaelito Alejandro IV.

“Dalawang fatality — one is from Viga, Catanduanes due to drowning and another one from Catbalogan City, Samar na nahulugan ito ng collapsed structure,” dagdag pa niya.

Sinabi rin ni Alejandro na dalawang indibidwal ang nai-report na nasugatan.

Aniya pa, may kabuuang 1.4 milyong katao o 426,000 pamilya ang preemptively evacuated sa Metro Manila, Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Negros Island Region, Bicol, Western Visayas, Central Visayas, at Eastern Visayas. Nasa 318,000 katao o 92,000 pamilya naman ang nananatili sa mga evacuation centers.

Bilang ng mga nasawi sa Bagyong #TinoPH, 188 na

by Info @News | November 6, 2025

Photo: Disaster bagyong Tino PH - Cebu City Disaster Risk Reduction and Management Office-CCDRRMO

As of 9:00 AM, ngayong Miyerkules, Nobyembre 6, iniulat ng National Disaster Risk Reduction and Management Council (NDRRMC) na nasa 188 ang patay, 10 ang sugatan, at 135 ang nawawala dahil sa pananalasa ng Bagyong #TinoPH.

Higit 20K indibidwal, inilikas dahil sa Bagyong Ramil — NDRRMC

by Info @News | October 19, 2025

Photo: Coast Guard District Southern Tagalog

Sinabi ng National Disaster Risk Reduction and Management Council (NDRRMC) na nasa 22,311 na indibidwal o 7,884 na pamilya ang nailikas na nila mula sa mga lugar sa Calabarzon at Region 5 dahil sa inaasahang epekto ng Bagyong Ramil.

Kasabay nito ay mayroon ding 39 na seaport na pansamantalang itinigil ang operasyon dahilan para ma-stranded ang ilang pasahero at sasakyang pandagat.

Idinagdag din nila na nasa 3,242 pasahero, 1,050 cargo, anim na vessel, at pitong bangka ang kasalukuyang stranded.