Paraan para maibalik ang pangalan sa listahan ng mga botante sa presinto

ni Atty. Persida Rueda-Acosta - @Magtanong Kay Attorney | October 05, 2021

Dear Chief Acosta,

Ako ay nagparehistrong botante sa aming probinsiya, ngunit hindi na ako nakaboto ng mahigit 10-taon dahil lumipat ako ng tirahan. Noong bumalik ako sa dati kong tirahan, ang sabi nila ay wala diumano ang pangalan ko sa listahan ng mga botante. Bakit nagkaganun, at ano kaya ang puwede kong gawin upang maibalik ang aking pangalan sa listahan ng mga botante sa dati kong tirahan? – Nena

Dear Nena,

Para sa inyong kaalaman, ang inyong katanungan ay tinatalakay sa Section 27 ng Republic Act (R. A.) No. 8189, kung saan nakasaad na:

“Sec. 27. Deactivation of Registration. – The board shall deactivate the registration and remove the registration records of the following persons from the corresponding precinct book of voters and place the same, properly marked and dated in indelible ink, in the inactive file after entering the cause or causes of deactivation:

Xxx

d. Any person who did not vote in the two (2) successive preceding regular elections as shown by their voting records. For this purpose, regular elections do not include the Sangguniang Kabataan (SK) elections;” (Binigyang-diin)

Kaugnay nito, upang maibalik ang inyong pangalan sa listahan ng mga botante sa dati ninyong tirahan, nakasaad sa Section 28 ng nasabing batas na:

“Sec. 28. Reactivation of Registration. - Any voter whose registration has been deactivated pursuant to the preceding Section may file with the Election Officer a sworn application for reactivation of his registration in the form of an affidavit stating that the grounds for the deactivation no longer exist any time but not later than one hundred twenty (120) days before a regular election and ninety (90) days before a special election.

The Election Officer shall submit said application to the Election Registration Board for appropriate action.

In case the application is approved, the Election Officer shall retrieve the registration record from the inactive file and include the same in the corresponding precinct book of voters. Local heads or representatives of political parties shall be properly notified on approved applications.” (Binigyang-diin)

Ibig sabihin, upang maibalik ang inyong pangalan sa listahan ng mga botante sa inyong presinto, kailangan ninyo lamang magsumite sa inyong election officer ng sinumpaang aplikasyon na nagsasaad na kayo ay muling magbabalik sa lugar na iyon. Puwede ninyo itong isumite anumang araw huwag lang lalampas ng 100 at 120-araw bago mag-eleksiyon, regular election man o special election.

Nawa ay nasagot namin ang inyong mga katanungan. Nais naming ipaalala sa inyo na ang opinyon na ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa isang abogado.

Maraming salamat sa inyong patuloy na pagtitiwala.