Para makatulong daw sa problema ng bayan sa COVID… IT'S SHOWTIME, STOP SA LIVE AIRING

ni Ador V. Saluta - @Adore Me! | March 23, 2021

Nilinaw ng Kapamilya Network na bagama't temporarily suspended ang live staging ng It's Showtime dahil sa pagdami ng nagpopositibo sa COVID-19, fresh episodes pa rin ang mapapanood sa ngayon dahil nakapag-advance taping na ang show noon pang March 8 at 9.

Ayon kay Vice Ganda, "Wala munang live programs para walang kinakailangang pumasok sa studio... para maging safe ang lahat, para hindi muna kami lumabas ng bahay at para walang makuhang COVID-19. Dahil ang lala nga nu'ng surge kaya minabuti muna ng ABS-CBN na i-stop for a while ang mga live programs for now... for now lang naman," paniniguro pa ni Vice.

Patuloy niya, "Para makatulong tayo sa Pilipinas, para hindi tayo makadagdag sa problema ng mga magkakasakit. Kasi, 'yun ang pinakamahalaga ngayon, na walang magkakasakit," malasakit pa ni Vice sa lahat ng madlang pipol.