Pagbiyahe ng sasakyan sa barko

ni Atty. Persida Rueda-Acosta - @Magtanong Kay Attorney | March 7, 2022

Dear Chief Acosta,

May-ari ako ng sedan na sasakyan. Ngayon, nais ko sana itong dalhin sa Guimaras para magamit ng aking mga kamag-anak na nakatira roon, ngunit ang sabi sa akin ng isa kong kaibigan ay kinakailangan ko diumano kumuha ng clearance buhat sa Philippine National Police (PNP) bago pa man ito maisakay sa barko. Tama ba ito? - Ivan

Dear Ivan,

Para sa inyong kaalaman, ang inyong katanungan ay tinatalakay sa Republic Act No. 10883 o mas kilala sa tawag na Anti-Carnapping Act of 2003. Nakasaad sa Section 13 ng nasabing batas na:

“Sec. 13. Clearance Required for Shipment of Motor Vehicles, Motor Vehicle Engines, Engine Blocks, Chassis or Body. – The Philippine Ports Authority (PPA) shall submit a report to the PNP within seven (7) days upon boarding all motor vehicles being boarded the “RORO”, ferry, boat, vessel or ship for interisland and international shipment. The PPA shall not allow the loading of motor vehicles in all interisland and international shipping vessels without a motor vehicle clearance from the PNP, except cargo trucks and other trucks carrying goods. Land Transportation Franchising and Regulatory Board (LTFRB)-accredited public utility vehicles (PUV) and other motor vehicles carrying foodstuff and dry goods.” [Binigyang-diin.]

Malinaw sa nabanggit na probisyon ng batas na hindi maaaring payagan ng Philippine Ports Authority (PPA) ang pagbiyahe ng mga sasakyan na lulan ng barko kung walang clearance mula sa Philippine National Police (PNP).

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.