Pag-aresto sa mga lumalabag sa Price Act

ni Atty. Persida Rueda-Acosta - @Magtanong Kay Attorney | July 05, 2021

Dear Chief Acosta,

Sino ba ang may awtoridad na manghuli ng aktong lumabag sa mga probisyon ng Republic Act No. 7581 o ang “Price Act”? – Gianna

Dear Gianna,

Para sa inyong kaalaman, ang Republic Act No. 7581 ay nagbibigay-proteksiyon sa mga mamimili laban sa pagtaas ng presyo ng mga pangunahing bilihin sa mga emergency situations o sa pahanon ng kalamidad. Upang isakatuparan ang mga probisyon ng nasabing batas, nag-isyu ang Department of Trade and Industry (DTI) ng Department Administrative Order No. 09-07, Series of 2009 kung saan nakasaad na:

“Section 1. All field personnel of the National Bureau of Investigation (NBI) are hereby deputized and directed to strictly implement the provisions of R.A. No. 7581 within their respective area of responsibility.

Section 2. All field personnel of the NBI shall constantly monitor the prices of basic necessities and prime commodities and other consumer products within their respective area of responsibility, seeing to it that no price increase shall be imposed by the store owners, dealers and suppliers therein who are dealing with such goods. NBI field personnel are to effect the immediate arrest of violators of the Price Act while the commission of the offense or immediately thereafter” (Binigyang-diin).

Sang-ayon sa nabanggit, maaaring agarang maisagawa ng field personnel ng National Bureau of Investigation (NBI) ang pag-aresto sa mga naaktuhang lumalabag sa mga probisyon ng Price Act.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.