ni BRT @News | August 11, 2023
Ibibigay ng Department of Education (DepEd) ang P5,000 cash allowance sa mga kwalipikadong guro kasabay ng pagsisimula ng klase sa mga pampublikong paaralan.
Ayon kay DepEd Undersecretary for Finance Annalyn Sevilla, ito ay ibibigay sa Agosto 29, o ang simula ng School Year (SY) 2023-2024.
Ang P5,000 cash allowance ay para sa pagbili ng mga kagamitan at materyales sa pagtuturo at para sa internet subscription.
Gayundin ang iba pang gastos sa komunikasyon, at para sa taunang gastos sa medikal para sa papasok na school year.