P100K dagdag allowance bigay ni DU30 sa Olympians

ni MC - @Sports | July 24, 2021

Habang abala ang mundo sa paghahanda sa opening ng Tokyo Olympics opening ceremony, inanunsiyo ng Malacanang na inaprubahan ni President Rodrigo Duterte ang dagdag na P100,000 games allowance para sa 19 Tokyo Olympians bilang suporta at pagpapahalaga sa atletang nakapasok sa Olympics at Paralympics.

Natuwa naman si Philippine Sports Commission Chairman Butch Ramirez sa anunsiyo ni President Duterte at sinabing, "Our athletes deserve this additional show of support and thank you President Duterte sa lagi niyong suporta sa ating mga atleta." Inaprubahan ang dagdag na support dahil na rin sa rekomendasyon ni Senate Committee on Sports Chairman Senator Bong Go at ng PSC. Ang P100K na games allowance ay bukod pa sa inaprubahang $1000 na allowance na bigay ng PSC.

Ibinida ni Ramirez ang suporta ng government sa preparasyon ng Olympian sa Olympics at sinabing gumasta ang ahensiya ng mahigit sa P2 Billion para sa foreign exposures, allowances, equipment, venues at supplies ng national team mula 2016.

“We can see the sincere care of the President for our athletes, grassroots to elite ito. He is the only president who never missed any Palarong Pambansa, consistently recognized the achievements of our athletes by always inviting them to the Palace and sacrificed standing for three straight hours to award the incentives of our elite athletes,” paliwanag ni Ramirez. Sa pamamagitan ng RA 10699 o ang expanded incentives act, ang isang Olympic medalist ay tatanggap mula sa national government 10 million, 5 million at 2 million para sa gold, silver at bronze finish, ayon sa pagkakasunod-sunod.