OOTD, inaabangan pa naman… SHARON, HEART AT MAINE, NO SHOW SA SONA 2026

ni Julie Bonifacio @Winner | July 29, 2026

Photo: IG _reallysharoncuneta & _iamhearte _mainedcm

Pinaningning ni Star for All Seasons at Batangas Gov. Vilma Santos ang Plenary Hall ng Batasang Pambansa dahil siya ang pinakamaningning na bituin, as far as showbiz celebrities are concerned, na dumalo sa State of the Nation Address (SONA) ni Pangulong Bongbong Marcos (PBBM) sa House of Representatives noong Lunes, July 27.

Nakasuot ng ternong Filipiniana si Gov. Vi kasama ang kanyang mister na si Executive Secretary Ralph Recto.

Siyempre, nasa VIP section sina Gov. Vi at ES Ralph, kahanay ng iba pang special guests.

Sa kanyang Instagram (IG) ay ipinost ni Gov. Vi ang mga larawan sa kanyang pagdalo sa SONA.

Caption ni Gov. Vi: “Inspired by the responsibility to serve and the hope for a better tomorrow (pray, like & heart emoji)!”

Hindi naman nagpaawat ang mga IG followers ni Gov. Vi sa mga papuri nila para sa Star for All Seasons:

“So beautiful po, my dearest Mommy Gov!”

“Very regal si Ate Vi!”

“Stunning.”

“Beautiful and revered public servant.”

“Gorgeous.”

“Ang ganda-ganda n’yo po. Stay healthy.”

Super agree!

---

Sabay na dumating ang mga senador na sina Kiko Pangilinan at Chiz Escudero sa Batasang Pambansa para sa State of the Nation Address (SONA) ni Pangulong Bongbong Marcos (PBBM), at pareho nilang hindi kasama ang kani-kanilang misis na sina Sharon Cuneta at Heart Evangelista.

Marami pa naman ang nag-aabang sa kanila, especially kay Heart na every year ay laging pinag-uusapan ang kanyang outfit sa SONA.

Disappointed tuloy ang mga fashion uzis (usisera) na nag-abang kay Heart kung ilang milyong piso na naman ang halaga ng kabuuan ng kanyang look.

Baka raw gustong ibigay muna ni Heart ang ‘korona’ sa ibang misis ng mga pulitiko na um-attend sa SONA. 

Kaya lang, kung kailan wala si Heart, saka naman nagpa-low profile ang mga esmi ng mga senador at kongresista, pati na rin ang mga ‘nepo’ babies na politicians.

Bukod kina Megastar at Heart, kahina-hinala rin ang hindi pagsama ni Cong. Arjo Atayde sa kanyang misis na si Maine Mendoza.

Anyway, ang iba pang celebrities na dumating sa SONA ay sina Yassi Pressman, na bitbit ng kanyang fiancé na si Luigi Villafuerte, Zsa Zsa Padilla kasama ang partner niyang si Conrad Onglao, Richard Gomez, Isko Moreno, at ang boxing legend na si Manny Pacquiao.