Huli sa video, may resibo… RAYMOND, HINANAP SI HEART SA PARTY NIYA PARA PAALISIN

ni Julie Bonifacio @Winner | November 1, 2026

Photo: IG _mond _iamhearte

Nasagot na ang tanong kung bakit hinahanap ni Raymond Gutierrez si Heart Evangelista sa video na nag-viral sa social media.

Makikita na kasama ni Mond ang mga female celebs na sina Shuvee Entrata, Ashley Ortega at Sugar Mercado na kuha sa isang horror party ng kakambal ni Richard Gutierrez.

Naunang kumalat ang video kung saan narinig na binanggit ni Mond ang pangalan ni Heart habang nakiki-mingle sa kanyang female celeb guests.

Ayon sa isang vlogger, “Bakit kaya hinahanap ni Raymond Gutierrez si Heart du’n sa Halloween party niya? Alam mo, ‘tong si Ramy (Mond), mapagkakamalan mo talagang beki bully dahil sa mga antics niya. 

“Du’n kasi sa recent horror party na in-organize n’ya, dumating sina Shuvee Entrata at Ashley Ortega, dressed as sultry castaway ladies from the iconic Pinoy movie Temptation Island.”

Sa 2011 movie na Temptation Island, ang mga bida ay sina Rufa Mae Quinto, Marian Rivera, Lovi Poe, Solenn Heussaff at Heart Evangelista.

Sabi ni Mond sa video, “Sino si Heart? Sino si Heart?”

Pero may mga netizens palang nakakuha ng video kung saan may sagot kung bakit hinahanap nito ang fashion icon-aktres.

Sumagot si Ashley sa tanong ni Mond at sinabing siya si Heart.

Banat ni Raymond, “Ay, you need to leave this place!”

Party naman daw iyon ng kapatid ni Ruffa Gutierrez kaya sinuman ang gusto niyang paalisin ay keri niyang gawin.

React ng vlogger, “Pero kailangan bang gawing punchline ‘yung pagpapaalis kay Heart? And if he is comfortable making that joke in public, mapapaisip ka rin kung ano’ng klaseng biruan ang nangyayari off camera.”

Kani-kanya namang hanash ang mga netizens sa isyung ito tungkol kay Mond.

“Inaano ba sila ni Heart? Bakit inggit na inggit sila? They can never put a good girl down!”

“Listen closely. Wala namang sinabing ‘Leave this place!’ It seems iba naman ang sinabi n’ya, ginawan na naman ng istorya.”

“Actually, parang ‘di nga ‘Leave this place.’ Parang mas ‘Leave this building.’ Listen to it again!”

“Why do they hate Heart, anyhow? Was there a past conflict between the IT girls, Raymond and Heart?”

“They probably want to replace her in the fashion shows, so inggit ang lahat.”

Sabeee?

---

KITA ang saya ni Coco Martin sa birthday surprise na inihanda para sa kanya sa set ng Kapamilya serye niyang Sigabo.

Pinagkaabalahan talaga ng staff and crew ang pasabog nila para kay Coco kahit busy sila sa shoot.

Caption ng Dreamscapeph sa kanilang Instagram (IG) account, “Isang espesyal na sorpresa para sa nag-iisang Hari ng Aksyon sa ating Henerasyon. Advance Happy Birthday, @cocomartin_ph!  Greetings from your ABS-CBN, Dreamscape, and CCM Film Productions family!”

Siyempre, naroon si Julia Montes na  siyang kumukuha ng video para sa birthday surprise for Coco.

Komento ng mga fans…

“Napakaganda ng personal videographer mo, Tay!”

“Napakaganda naman ni Madame! Ever supportive ang Gloria.”

Ang “Gloria” ay pangalan ng karakter ni Julia sa Sigabo bilang pekeng misis ni Coco.

Si Gloria ay isa sa mga taong lubos na naniniwalang maabilidad si Gabo (Coco) at kaya niyang maisagawa ang mga misyon na ipinagkatiwala sa kanya.

Bagama’t may mga taong nagdududa sa kakayahan ni Gabo at minamaliit siya, kabilang na ang kanyang madrasta na si Betchay (Irma Adlawan), mas marami pa rin ang naniniwala sa kanya.

Tutukan ang mga paparating na episodes ng Coco Martin’s Sigabo, na mapapanood mula Lunes hanggang Biyernes, 8:00 PM sa ABS-CBN sa ALLTV2, Kapamilya Channel, TV5, at A2Z. 

Maaari mo ring panoorin ang mga episodes sa pamamagitan ng Kapamilya Online Live (KOL) o i-stream ang mga ito anumang oras sa iWant!

Sinabihang magpakamatay at magka-AIDS ang pamilya… TUESDAY, NAGPASAKLOLO SA NBI LABAN SA BASHER

ni Julie Bonifacio @Winner | October 31, 2026

Photo: FB Tuesday Vargas

Lumapit si Tuesday Vargas sa National Bureau of Investigation (NBI) Cybercrime Division dahil sa matinding online harassment, hate speech at death threats na natanggap niya.

May isa kasing basher na naglabas ng mahabang post sa social media laban sa singer-comedienne.

Narito ang pahayag ng basher ni Tuesday:

“Sino ba kumanta ng ‘Bakla, kla, kla, kla’??? ‘Di mo ba alam na isang pambabalahura sa aming mga straight ang kanta mo? ‘Di mo ba alam na karamihan sa aming mga lalaki, nababastos sa ganyang paraan? ‘Di mo ba alam na karamihan sa aming mga lalaki, tatahimik na lang?

“Kaya mas malaki ang suicide rate naming mga lalaki kesa sa mga babae dahil ‘di lahat kaya mag-speak up against bullies like you!”

Binatikos din ng basher ni Tuesday ang nakaraang isyu sa depresyon ng singer-comedienne.

Karugtong pa ng mensahe: “‘Di ba lately, na-depress ka? BUTI NGA SA ‘YO! ANG MABUTI PA, MAGPAKAMATAY KA NG TUESDAY VARGAS NA SALOT KA! LAOS KA NA! PROMOTOR KA PA NG LGBasura! Wala naman sana kaming paki kung tomboy ka or what, kasi wala naman akong bad experience sa mga tomboys/lesbians, pero kung pareho mo rin ang ugali, ikaw siguro ang unang tomboy/lesbian na isusumpa at kamumuhian ko!

“Kaya MAMATAY KA NA AT MAGKA-AIDS YANG PAMILYA MO! ARTISTANG HAMPASLUPA! MGA KAGAYA MO NA KAKARMA NA! MA-DEPRESS KA PA SANANG HAYOP KA!

“God is good para parusahan ang mga kagaya mo! Kaya nga na-depress ka, eh. Tapos ngayon gagawa ka na naman ng kahayupan, kaya sa susunod na ma-depress kang hayop ka, PAKAMATAY KA NG PANGIT KA! AT WALANG A-ATTEND SA BUROL MO!”

Sa caption ng post ni Tuesday, kung saan ibinahagi niya ang FB profile ng basher at ang post nito, binanggit niyang magre-report siya sa NBI Cybercrime Division upang maghain ng reklamo.

Sey ni Tuesday sa kanyang FB post, “NBI Cyber Crime Division reporting this person to your good office. You’re crying about respect while typing death threats, hate speech, and telling people to commit suicide.

“You are the exact definition of the problem you’re complaining about. The hypocrisy is loud. Take this toxic hate elsewhere.

“Darc Phoenix, my legal team will be in touch.”

Hala, lagot siya kay Tuesday!

---

PATULOY ang laban na kinakaharap ng karakter ni Coco Martin sa Kapamilya serye niyang Sigabo. Maaaring may mga tao sa paligid ni Gabo (Coco) na nagdududa sa kanyang kakayahan at minamaliit siya, kabilang ang kanyang madrasta na si Betchay (Irma Adlawan), pero mas marami pa rin ang naniniwala sa kanya.

Bukod sa kanyang pamilya, kaibigan, kapitbahay, at ‘asawa’ na si Gloria (Julia Montes), may isa pang taong lubos na naniniwala kay Gabo – si Papang, o simpleng ‘Paps’, ang pinuno ng lihim na vigilante group na Anino, na ginagampanan ng beteranong aktor na si Joonee Gamboa.

Noong unang ipakilala si Paps bilang si Tatang, isang matandang kapwa preso ni Gabo, sa pilot episode ng Sigabo, maaaring inakala ng mga manonood na isa lamang siyang ordinaryong karakter. Marahil ay nagulat ang marami nang mabunyag na hindi lang siya ordinaryong tao dahil siya nga ang kumander ng Anino, isang patagong organisasyon na nagsasagawa ng mga nakamamatay na misyon laban sa mga kriminal at sindikato na hindi direktang matugunan ng gobyerno.

Nang sa wakas ay tinanggap ni Gabo ang kanyang inaugural mission, binalaan siya ni Paps na haharapin niya ang mga mapanganib na indibidwal na nagbabanta sa lipunan. Pinaalalahanan din niya si Gabo na huwag matakot o mag-atubiling pumatay kung kinakailangan dahil pinahintulutan siya ng gobyerno na gawin ito.

Sabi pa ni Paps kay Gabo, “Ikaw ang dulo ng sibat. Ikaw ang talim ng espada. Ikaw ang kamao ng Anino.”

Sa isang mundo kung saan ang mga tao ay mabilis na nagdududa sa ating mga kakayahan at kinukuwestiyon ang ating halaga, masuwerte si Gabo na magkaroon ng isang tulad ni Paps na nakikita ang kanyang potensiyal at naniniwalang maaari siyang gumawa ng pagbabago.

Minsan, ang kailangan lang ay isang tao na kumikilala sa kung ano ang kaya natin, kahit na hindi ito nakikita ng iba, upang bigyan tayo ng lakas ng loob na magtiyaga at patunayan kung ano tayo.

Tama ba si Paps na magtiwala nang buo kay Gabo? Alamin sa mga paparating na episodes ng Coco Martin’s Sigabo, na napapanood tuwing linggo, 8:00 PM, sa ABS-CBN sa ALLTV2, Kapamilya Channel, TV5, at A2Z. Maaari mo ring panoorin ang mga episodes sa pamamagitan ng Kapamilya Online Live (KOL) o i-stream ang mga ito anumang oras sa iWant!

EB! host, nilait ng basher na mukhang tiyanak… HIRIT NI KRIS NA MAGANDANG GIRL ANG GUSTONG MAGING MISIS NI BIMBY, PATAMA RAW KAY RYZZA

ni Julie Bonifacio @Winner | October 30, 2026

Photo: FB Circulated

Binibigyan ng ibang kahulugan ang pahayag ni Kris Aquino tungkol sa gusto niyang maging partner in life ng anak niyang si Bimby Aquino-Yap. Ikinabit agad dito ang pangalan ni Ryzza Mae Dizon.

Kumakalat online ang art card na naka-post sa X (dating Twitter) na ganito ang nakasulat: “KAWAWA naman si RYZZA. Ni-reject agad ng mother-in-law.”

Naisip marahil ng mga netizens na patama kay Ryzza ang mga sinabi ni Kris dahil nauna nang ipinartner ang dating child star kay Bimby.

Caption sa X post, “Hayaan mo, Ryzza. You will be more blessed (heart & pray emoji).”

Sa comment section ay marami ang nagtanggol kay Kris.

“Ms. Kris didn’t say anything about who, so don’t judge right away—it’s just common in the Philippines to be full of yourself (laughing emoji).”

“Sensya na, ha, parang may mali sa post mo. Napanood mo ba ‘yung binisita ni Kris sina Ryzza at Bimby sa Eat… Bulaga! (EB!) at sinabihan ni Kris si Ryzza na, ‘Ang ganda mo ngayon, my future daughter-in-law?’ At sinabi n’ya na ‘Ryzza Mae Dizon-Cojuangco Aquino? Check mo…”

“Ginagawan ng issue ng mga tao sa Facebook (FB). Tapos si Kris na naman ang masama. Bimby and Ryzza are friends.”

“As far as I know, ang babaeng nililigawan lang ang puwedeng mag-accept or reject sa manliligaw.”

“Isipin na lang n’ya, nakatulong s’ya kay Bimbs.”

Sey naman ng isang basher, “Hahaha! Kapangit naman kasi, mukhang tiyanak. Kahit sino naman, ayaw magkaroon ng daughter-in-law na ganyan ang hitsura. Mag-foreigner na lang s’ya.”

Grabe siya kay Ryzza, ha?!

---

ILALABAS na ni Atty. Persida Rueda-Acosta, Public Attorney’s Office (PAO) chief, ang English version ng kanyang bagong libro na Laws of Life (Life Lessons from the People’s Lawyer) ngayong Disyembre.

Noong Mayo, naunang inilabas sa publiko ang Filipino version nito. Ang libro ay koleksiyon ng mga pang-araw-araw na paalala at mga salita ng karunungan na nagbibigay ng gabay.

“Ito ay libro tungkol sa kabataan, katandaan, young couples, at mag-partners para maging mapayapa at maligaya ang kanilang pagsasama,” pahayag ni Atty. Acosta.

Sinabi rin niya na ang mga quotes na nakolekta sa aklat ay binibigkas nang simple at taos-puso. Ang ilan ay ibinahagi sa panahon ng kanyang mga programang legal na impormasyon, at ang iba ay ipinahayag sa isang personal na tala sa mga kasamahan, kliyente, at mga naghahanap ng kanyang payo.

Ang mga ito ay hindi mga dakilang deklarasyon, ngunit banayad na mga paalala. Repleksiyon ito ng mga batas ng buhay at mga halaga ng pakikiramay, pagpapakumbaba, tiyaga, at pananampalataya.

Isang 4th placer sa 1989 Bar Examinations, inilaan ni Atty. Acosta ang halos apat na dekada ng kanyang buhay sa serbisyo publiko.

Tungkol sa katarungan, moralidad, at etika, ibinahagi ni Acosta sa aklat: “Naniniwala ang masasama na nagtagumpay sila, ngunit darating ang araw na ang lahat ay hahanapin ang wakas.”

Kaya sa Disyembre, huwag kalimutang mag-secure agad ng kopya ng libro ni Atty. Acosta. Maganda rin itong panregalo sa Pasko, ha?