ALEX, AUG. 8, 2026 PA NANGANAK, ISAAC GERARD, NAME NG BABY

ni Julie Bonifacio @Winner | September 9, 2026

Photo: IG _cathygonzaga

Proud mama si Alex Gonzaga sa first baby nila ng mister niyang si Mikee Morada. Walang kiyeme-kiyemeng ibinahagi niya ang feslak (face) ng kanyang firstborn.

And one month after niyang isilang ang baby boy nila ni Mikee, may bagong pa-reveal na naman si Alex. Medyo matagal na rin pala noong nanganak siya at hindi gaya ng in-expect ng marami na two weeks ago lang siya nanganak.

Kung August 8, 2026 ang birthday ng anak nina Alex at Mikee, lumalabas na ‘triple 8’ ang petsa, huh?

Cesarean pala si Alex at sinadyang piliin ang August 8 para isilang ang first baby niya.

Naku, matanong nga si Maestro Honorio Ong ng BULGAR kung ano ang pakahulugan ng ‘triple 8’ sa buhay ni Baby Boy Morada.

Anyway, on her latest Instagram (IG) post, Alex made public na the name of her firstborn (kolehiyala lang ang peg… Hahaha!).

Ipinost niya ang bago nilang family picture habang nasa loob pa sila ng ospital.

Say ni Alex sa caption: “‘Di na ‘to AI (artificial intelligence), totoo na ‘to. Hehehe! Exactly one month ago, we finally met our baby boy, Isaac Gerard G. Morada.

“Thank you, Jesus, for a successful CS delivery and for giving us our answered prayer, our son Isaac.”

Muling binaha ng pagbati si Alex sa comment section mula sa kanyang IG followers. Ang iba ay celebrity friends nila ni Mikee.

Comment ni Luis Manzano, “Gwapings!”

“Congratulations (heart emoji). What a beautiful blessing. Wishing you both the best on this journey!!!” mensahe ni Anne Curtis.

Habang three heart emojis naman ang reaction nina Carla Abellana at Maja Salvador.

Ang saya-saya!

---

Pinoy fans, proud na proud…

LIZA, AGAW-ATENSIYON SA MILF DAHIL SA GOWN

AGAW-ATENSIYON muli si Liza Soberano sa pag-attend niya sa katatapos lang na Manila International Filmfest sa Amerika.

Dumalo at rumampa sa red carpet si Liza upang suportahan at i-promote ang pelikula nila nina Lea Salonga, H.E.R., Dolly de Leon at marami pang iba.

Humakot ng papuri at atensiyon ang suot niyang gown dahil sa detalyado at magandang disenyo nito.

“Thank you @manilaintlfilmfest for honoring the whole team behind @forgottenislandmovie with the trailblazer award  (Philippine flag emoji),” caption ni Liza sa kanyang latest Instagram post.

Nag-post ng comment ang co-stars ni Liza sa movie na sina H.E.R. at Dolly.

“HOO, HOO, HOO, HOOO!” sabi ni H.E.R.

“YES! (heart emoji),” sey naman ni Dolly.

Proud na nag-comment din ang ibang IG followers ni Liza.

“Shout out the Pinoy talent in front of and behind the camera!!”

“When @lizasoberano was struggling to get a role, people say she wouldn’t get it. Now she's the lead, they are silent, both on criticism and support.”

Napansin din namin ang komento ng dating artista at anak ni Mat Ranillo III na si Krista Ranillo.

Comment-post ni Krista, “Congratulations! Thanks for taking photos with my kids last night! They couldn't stop talking about meeting you and H.E.R. We all loved the movie!”

Wow!

Hiyang-hiya kay Mariel… MOCHA, NAGSALITA NA SA KALAT NANG NABUNTIS NI SEN. ROBIN

ni Julie Bonifacio @Winner | September 8, 2026

Photo: IG _mochauson & _robinpadilla

Tinuldukan na ni Mocha Uson ang tsikang nabuntis daw siya ni Sen. Robin Padilla. Isiniwalat ni Mocha sa interbyu ni Susan Enriquez ang buong katotohanan.

Umusok ang intriga na buntis si Mocha courtesy of Sen. Robin matapos ang matagal na niyang pananahimik. Sapul sa isyu sina Robin at Mocha dahil pareho silang supporters ni dating Pangulong Rodrigo Roa Duterte (PRRD).

Nilinaw ni Mocha sa vlog ni Susan na hindi totoo na nabuntis siya ni Sen. Robin.

“Background n’yan, isa s’yang online media. Blind item. Isang supporter ni ganitong pulitiko tapos isang controversial na nasa posisyon ngayon, may anak daw. Wala namang sinasabi kung sino. Kaya nagulat kami, bakit nadamay kami?” pagtataka ni Mocha.

Aware raw ang senador sa tsismis. Pero pinagtatawanan lang daw nila dahil alam nila kung ano ang totoo.

Ayon kay Mocha, “Nagbibiruan na lang kami ‘pag nagkikita kami, lalo na ‘pag kasama ko ang nanay ko. Sasabihin ni Senator, ‘Oh, kumusta na po ang apo n’yo?’”

Sa isyu sa kanila ni Sen. Robin, nakakahiya raw ito sa misis nitong si Mariel Rodriguez.

“Nakakahiya. Pasintabi po, Sen. Robin. Saka kay Ma’am Mariel Padilla, wala pong ganu’n,” lahad pa ni Mocha.

Sa naturang panayam ay inamin ni Mocha na wala pa siyang anak. Ipinasa-Diyos na lamang daw niya kung mabibigyan pa siya ng biyaya.

‘Yun na.

---

Spoiled sa BF… JANINE, BINUHAT NI ECHO PARA ‘DI LUMUSONG SA BAHA

Todo ang kilig na ha

tid nina Jericho Rosales at Janine Gutierrez sa kanilang pagpunta sa Amerika. Sulit na sulit ang pagpunta nila from New York to California.

Spoiled to the max ang aktres kay Echo. Sa New York ay natupad ang dream ni Janine na mapanood ang concert ng paborito niyang si Harry Styles sa Madison Square Garden, plus mapanood ang tennis superstar na si Alex Eala sa US Open.

Pagdating sa California ay sinamahan ni Janine ang aktor para sa Manila International Film Festival (MIFF), kung saan itinanghal itong Best Actor.

Pero ang lalong nagpakilig sa mga fans ng magdyowa ay ang nag-viral na video nila nang buhatin ni Echo si Janine para iwasan ang baha sa gilid ng kalsada sa Hollywood.

Bukod sa kinilig, marami rin ang pumuri kay Echo.

Sey ng mga netizens:

“Du’n tayo sa gentleman. Big no sa nonchalant kuno.”

“Sana all may Echo. Hahaha!”

“Baha sa ‘Pinas be like: ‘Kuya, i-Jericho mo ako!’”

“Ang sweet.”

Pero hindi rin mawawala ang mga bashers, siyempre.

“Sa una lang ‘yan dahil may nakakakita at may camera. ‘Pag nagsawa na ‘yan, kaya mo na ‘yan!”

“Ganyan ‘pag ‘di pa asawa.”

Ang bitter, ha?

Future daughter-in-law ni Echo… BEAUTY QUEEN GF NI SANTINO, NAPAGKAMALANG TRANSGENDER

ni Julie Bonifacio @Winner | September 7, 2026

Photo: IG _ashleysubijano

Pinagkamalan ang girlfriend ng anak ni Jericho Rosales na si Santino Rosales na isang transgender habang naglalakad sa mall.

Ang tinutukoy na girlfriend ni Santino ay walang iba kundi si Ashley Subijano Montenegro. Nakunan ng video ang date nila at ipinost sa Instagram (IG).

Sey ng mga netizens…

“Mataray ‘yung girl.”

“Trans po ba ‘yung kasama n’ya?”

“Mukhang trans nga.”

Pero may mga nagtanggol kay Ashley. 

“No, she is super-bait.”

“Girl ‘yun. Ashley Subijano, MUPH (Miss Universe Philippines) Luisiana, Laguna and a commercial pilot.”

“Real girl ‘yan. Anak ni Hans Montenegro.”

“So beautiful, my muse @ashleysubijano.”

“Okay, sorry. Mukha kasi s’yang trans.”

Si Ashley ay anak ng dating beauty queen-modelo na si Cara Subijano sa business executive na si Hans Montenegro.

Matagal nang engaged sina Santino at Ashley, kaya any moment ay posibleng magpakasal na ang magkasintahan.

‘Yun naman pala.

---

Ipinasilip na ang building…

DINGDONG, NAGPAPATAYO NG SARILING STUDIO

Ibinahagi ni Dingdong Dantes sa kanyang social media accounts ang ilang larawan ng bakasyon nila ni Marian Rivera at ng kanilang mga anak na sina Zia at Sixto sa Amerika last month.

Nagtungo ang pamilya sa L.A. (Los Angeles) para sa dalawang linggong bakasyon bilang selebrasyon ng kaarawan nina Dingdong (Agosto 2) at Marian (Agosto 12).

For sure, sinamantala nina Dingdong at Marian na makasama ang mga anak nila bago matapos ang kanilang bakasyon sa eskuwela.

Nilakipan ni Dingdong ng akmang background music ang kanyang post sa Instagram (IG) na The World I Know by Collective Soul.

Caption niya sa post: “Scenes from out west.”

Marami ang nakapansin sa biglang pagtangkad ng unica hija nina Dingdong at Marian na si Zia. Nagdalaga na raw ang prinsesa ng pamilya.

Sey ng mga netizens…

“Dalaga na at napakaganda ni Zia.”

“Ang laki na ni Ate Z.”

“May dalaga na si idol (Dong).”

Samantala, inihayag na rin ni Dingdong ang bago niyang proyekto. Nope, hindi po ito bagong pelikula or TV show. Nagpapatayo si Dingdong ng isang bagong pasilidad o studio space para sa kanyang mga creative projects.

Sa isang hiwalay na IG post din ng aktor kahapon ay ipinasilip na niya ang magiging hitsura ng gusaling ipinapatayo na niya ngayon.

Ang proyektong ito ay may pangalan na Bellpoint Studios at tinawag pang The Doorbell Collective.

Ang Bellpoint Studios ay isang malaking hakbang para kay Dingdong, sa ilalim ng kanyang kumpanyang Doorbell Technologies.

Wow!