Olympics, simula na; Protesta tuloy dahil sa hawahan ng COVID

ni MC - @Sports | July 23, 2021

Tahimik umano ang organizers ng Tokyo Olympics kung paano nila isasagawa ang Opening ng Olympic ngayon araw pero siniguro ng Philippine crew na dadalo sila sa seremonya na suot ang traditional barong tagalog.

Bandang 4 p.m. ngayong Biyernes, o apat na oras bago ang 8 p.m. program lang malalaman kung paano bubuksan ang pinaka-unique edition ng quadrennial competitions sa walang lamang stadium na may 68,000 seating capacity. “We really don’t know what the opening ceremony would be like. It’s a tightly-kept secret,” kwento ni Team Philippines Chef de Mission Mariano “Nonong” Araneta.

Magsisilbing flag bearers sina boxer Eumir Felix Marcial at judoka Kiyomi Watanabe. Isusuot ni Marcial ang cocoon silk barong na may machine-embroidered pitchera design muslim inner shirt at light wool black pants habang si Watanabe ay nakasuot ng cocoon silk short blazer na may machine embroidered front at sleeves at neoprene spaghetti-strapped black inner blouse at neoprene black pants. Binili ng Philippine Sports Commission (PSC) sa ilalim ni chairman William Ramirez ang parade uniforms para sa Team Philippines.

Kasama rin sa parada ni Araneta sina coaches Carlos Padilla (taekwondo) Nolito Velasco (boxing) at Daniel Bautista (skateboarding) maging sina Philippine Swimming Inc. president Lani Velasco at Gymnastics Association of the Philippines head Cynthia Carrion-Norton. Tatagal ang opening ceremony ng 3 oras na tampok ang 4,500 participants—athletes at officials (maximum na six kada country)— mula sa 205 member national Olympic committees. Tanging ang North Korea ang umatras sa Games. Aabot sa 11,000 athletes at 7,000 officials ang dadalo sa Games na nakansela noong 2020 dahil sa Covid-19 pandemic habang ang covering media ay nasa 15,000.

Samantala, may ulat na nanganganib na makansela ang Olympics dahil sa patuloy na pagtaas ng kaso ng COVID-19 mismo sa loob ng athletes’ village. Ayon sa Tokyo 2020 organizing committee, binabantayan nila ng husto ang bilang ng mga nadadapuan ng COVID-19.

Sinabi ni Toshiro Muto, Tokyo 2020 chief, na maglulunsad sila ng pagpupulong kung kinakailangan kapag patuloy pa rin ang hawahan ng virus. Ayon sa ulat, mahigit 70 na ang dinadapuan ng virus bago ang pormal na pagbubukas ng Summer Games.