Ngayong kasal na sila… PRAMIS NI JESSY KAY LUIS: POPROTEKTAHAN KITA!

ni Ador V. Saluta - @Adore Me! | April 6, 2021

Tagumpay na nailihim ang kasal nina Luis Manzano at Jessy Mendiola na dinaluhan ng pamilya at ilang malalapit na kaibigan.

Nito lang Linggo (April 4), kumalat sa social media ang mga larawan at video na kuha sa kasal ng celebrity couple na ginanap sa The Farm at San Benito, Lipa, Batangas nu'ng February 21.

Sa YouTube channel ni Jessy makikita ang seremonyang in-upload ng bride sa kanyang vlog at mapapanood sa five-minute video ng kanilang intimate wedding ang mga dumalo kabilang na ang mom ni Luis na si Batangas 6th District Rep. Vilma Santos-Recto kasama ang asawang si Sen. Ralph Recto at tatay ni Luis na si Edu Manzano.

Nagmukhang prinsesa si Jessy sa suot na eleganteng white pleated dress na gawa ni Patricia Santos, habang si Luis nama'y suot ang pink suit na gawa ni Paulo Lazaro.

Of course, ang exchange of vows ng couple ang highlight ng civil wedding.

Sabi ni Luis, "Howhow, as we take the step today, I want to promise you that I will love you each day that comes, even in those days na pareho tayong 'di kamahal-mahal. I will choose to love you. I promise to be your rock when you’re weak, to put a smile on your face, even on the darkest of days.

"We have been through so much. So many smiles and tears, but I would do it all over again if it means leading me back to you. Howhow, I will love you every single day of forever... I love you."

Sagot naman ni Jessy, "I will protect you, and I promise that if you grow weak, I will be there to fight your battles for you. Today is the beginning of our journey, our lives together. I choose to spend today, and all of my tomorrows with you. I love you, Howhow."

Nauna nang inanunsiyo ng dalawa ang kanilang engagement noong December, 2020 pagkatapos ng halos limang taon nilang relasyon.

Nasa tamang edad naman na ang dalawa para harapin ang pagkakaroon ng pamilya. Si Jessy ay 28 at si Luis nama'y 39 na.

Congratulations to Mr. and Mrs. Manzano!