Never lalayas sa ABS-CBN… "ITO ANG PINAKALIGTAS NA LUGAR PARA SA AKIN" — VICE

ni Janiz Navida @Showbiz Special | February 17, 2023

Kapamilya pa rin ang nag-iisang Unkabogable Star na si Vice Ganda!

Muling pinatunayan ni Vice ang kanyang pagmamahal at pagtitiwala sa ABS-CBN nang opisyal siyang mag-renew ng kanyang kontrata sa kumpanyang tinawag niyang "tahanan" sa ginanap na "The Unkabogable Day" nu'ng Miyerkules (Pebrero 15).

Bukod sa contract signing, nagpasalamat si Vice sa madlang pipol para sa tagumpay ng kanyang movie sa MMFF 2022, ang Partners In Crime na nagsilbi ring comeback niya sa taunang Metro Manila Film Festival.

Sa kanyang contract signing, binalikan ni Vice ang mga nangyari sa dekadang karera niya sa industriya.

“The journey has been quite long na rin. There were difficult times, but there were a lot of fun times. It was colorful pero kung susumahin mo, it’s a winning journey,” sabi niya.

Ilang Kapamilya artists, mga katrabaho, kaibigan at mahal sa buhay ang nagbigay ng kanilang taos-pusong pagpupugay para sa Unkabogable Star.

“Thank you for your Unkabogable loyalty and love for ABS-CBN and for all of us. With or without a contract, you stood by us even in our most difficult times. Binigyan mo ng lakas ang lahat ng ating mga Kapamilya sa gitna ng lahat ng ating pagsubok,” pahayag ni ABS-CBN COO of broadcast Cory Vidanes na present sa contract signing.

Nagpasalamat si Vice sa mga ABS-CBN executives.

“Maraming-maraming salamat po sa patuloy na pagtitiwala, pagbibigay ng trabaho, oportunidad, pagkakataon… I am so grateful,” sabi niya.

Nagpahayag din siya ng kanyang katapatan para sa ABS-CBN.

“Nakapirma na talaga 'yung puso ko rito. 'Yung paa ko, nakabaon na dito sa bahay na ‘to.

Ayoko nang lumabas… I’d rather be here inside my home. Ito ang pinakaligtas na lugar para sa akin,” pagbabahagi pa ni Vice.

Samantala, kabilang sa mga executives ng ABS-CBN na dumalo ay sina Chairman Mark Lopez, ABS-CBN COO of Broadcast Cory Vidanes, ABS-CBN Group CFO Rick Tan, Star Magic and Entertainment Production head Laurenti Dyogi, at ABS-CBN head of Non-scripted Format na si Louie Andrada.

Well, alam naman ng lahat na sumikat si Vice Ganda sa noontime variety show na It’s Showtime at nakagawa ng maraming box office hits.

Nakatanggap na rin si Vice ng iba't ibang parangal bilang Kapamilya star. Noong 2021, pinangalanan siya bilang Best Entertainment Program Host sa Asian Academy Creative Awards at Most Trusted Entertainment/Variety Presenter sa Reader's Digest Trusted Brands Awards.

Kamakailan lang, nanalo si Vice bilang Most Outstanding Twitter Influencer, Most Outstanding Social Media Personality, Most Influential Multimedia Filipino Celebrity, at Most Outstanding Entertainment Show Host sa 5th Gawad Lasallianeta.

Nanalo rin si Vice bilang Best Variety Show Host sa 2023 Platinum Stallion National Media Awards ng Trinity University of Asia.

---

ALFRED, BALIK-ARAL SA UP

Nag-viral ang video clip ng pamimigay ng red roses ni QC 5th District Councilor Alfred Vargas sa mga empleyado ng University of the Phils. last Valentine's Day.

Kaya naman, inalam namin kung para saan 'yun at bakit ginawa ni Kon. Alfred.

'Yun pala, we learned na nagbalik sa pag-aaral ang mabait na konsehal at bilang pag-appreciate sa mga taga-UP kaya naisipan niyang bigyan sila ng bulaklak.

"Yes, after finishing my masters in Public Ad in UPNCPAG in 2021, I took the entrance exam of the college last year naman (2022). I passed it, and I am now pursuing my PhD in UPSURP (UP School of Urban and Regional Planning)to become an urban planner," pahayag ni Alfred.

Dagdag pa niya, "It’s a long journey which will probably take me 4-5 years 'coz I’ll first have to get my urban planning diploma for the first two years, then masters for Urban Planning for another year, then my PhD for another 1-2 years, depending on my schedule."

Nae-enjoy naman daw niya ang pag-aaral uli.

"I love being a student again. I get a lot of insights and wisdom from my profs and classmates which I can apply as public servant.

"Learning is an everyday process. It should never end. I think I’ll continue to study, study, and study until I’m a senior citizen!

"I finished AB Management Economics in Ateneo de Manila as my undergrad. Then finished my MPA in UPNCPAG. And I will do everything I can to get that PhD from UPSURP in the next few years.

"I feel so lucky to have had the chance to study in two of the best universities in our country."

Oh, bongga naman ni Kon. Alfred, ha?!