ni Angela Fernando - Trainee @News | March 20, 2024
Tinanggihan ng Israeli Prime Minister na si Benjamin Netanyahu ang pakiusap ni President Joe Biden na kanselahin ang planong ground assault sa Rafah.
Ang Rafah ang huling takbuhan sa Gaza para sa higit isang milyong katao, na pinaniniwalaan ng Israel na pinagtataguan ng militanteng grupong Hamas.
Binigyang-diin din ni Netanyahu sa mga mambabatas nu'ng Martes na nilinaw niya kay Biden na determinado sila sa kanilang plano.
Matatandaang nagkaroon ng pag-uusap ang dalawang lider sa telepono nu'ng Lunes para subukang pigilan ang plano ng Israel na pag-atake sa Rafah.