Nawalan ng career sa TV… PAULO, JOIN NA SA ONLINE GAMING NA MILYUNAN ANG KITA

Julie Bonifacio - @Winner | May 13, 2021

Pinasok na rin ng aktor na si Paulo Avelino ang online gaming industry. Pormal na ini-reveal ni Paulo ang pakikipag-partner niya with LuponWXC.

"Eto nga po ang latest venture ko," panimula ni Paulo. "Kaya tina-try namin lahat ng kaya namin para ipasok din sa mas mainstream na market. Kaya lumapit na rin ako sa mga tao from showbiz. I think this (online gaming) industry would also help the (showbiz) industry."

Bata pa lang daw si Paulo ay naglalaro na siya ng counterstrike. Lumaki raw siya na nagre-rent ng computer sa Baguio para makapaglaro.

"Ang daming gamers doon. At eto na nga, habang tumatagal, parang ang tagal ko na ring nagtatrabaho rito sa industriya natin, parang naisip ko, 'Oo nga, 'no? Bakit hindi ko balikan 'yung mga paborito kong gawin nu'ng bata ako? Ito na nga 'yung gaming, nagmo-motor. So, uh, doon nag-start.

"Pero ang role ko talaga rito sa Lupon, nagbabantay ako sa quality. Tsinetsek ko na ayos lagi ang equipment. Tapos, marami pang 'on the side,'" kuwento ni Paulo.

Ang LuponWXC ay ang kilalang e-sports and streaming company sa bansa. Ang founder ng LuponWXC ay well-known local gaming icon na si Nico "Kuya Nick" Nazario. Itinayo niya ang LuponWXC noong 2015.

Graduate si Kuya Nick ng kursong Mass Communication sa Adamson University.

Nakapagtrabaho siya as OJT sa TV5 Production dati. Naisip daw niya na masyado nang maraming magaling sa TV prod kaya hindi na siya magma-matter if he will invest all his time and effort doon.

"So, I put my focus du'n sa subject na talagang kasundo ko which is gaming. I've been gaming ever since I was a kid. And I also believe na 'yun nga, in the future, this is going to be big. So, I started out as a viewer talaga like 12, 13 hours nanonood ako per day. And then, I saw what they're been doing abroad and uh, I realized that I can integrate it here in the Philippines," lahad ni Kuya Nick.

Nagtatrabaho na si Kuya Nick sa online gaming company ng celebrity na si Alodia Gosiengfiao when he decided to have his own business. Maayos naman daw ang paghihiwalay nila and up to now, they're still friends.

Ikinuwento naman ni Paulo ang una nilang pagkikita ni Kuya Nick.

"Nakakatawa, actually. Kasi ako, marami rin akong tinutulungang local na streamers na magagaling din. So, siyempre, marami rin akong ino-order abroad na wala rito na mga gamit para ma-improve 'yung quality ng stream nila o maging mas convenient sa kanila. Meron akong gamit doon na kailangan ni Kuya Nick. So, eh, gusto niyang bilhin, hindi ko ibinenta. Sabi ko, bigay ko na lang. Hingi na lang ako ng pabor in the future. Natakot siya sa pabor....hahaha! Hindi na siya nag-reply."

Say naman ni Kuya Nick, "What's unique sa amin ni Paulo nu'ng nasa condo pa lang ang Lupon, parang online selling pa lang ang setup namin. Ang camera namin, 'yung Logitech at ang gamit pa namin na ilaw, ring light. Sabi ni Paulo, 'I think I can improve that one.' That's how organic nabuo 'yung partnership namin. Doon kami nagsimula."

Sa ngayon, may sarili na silang office sa General Trias, Cavite. Apat ang studio at may walong streaming rooms.

"We are focused in building events and IT. So, I can compare it to like, for example, PTA (Pakistan Telecommunication Authority), UAAP or PTT. So, we are building that one. The talent will be famous afterward. Secondary na lang 'yung streaming namin. Others kasi, focused sa streaming agad. So, we are really building assets, papasikatin namin. And then, in a way, we are giving back sa community. Kasi this is something that they deserve. Buti our main product is event, saka 'yun nga, contents namin."

Feeling fortunate enough daw sila na sinusuportahan sila ng gaming community. At kapag sumikat daw ang mga talents nila, ipinapasok daw nila sa ibang online gaming company.

Ayon kay Paulo, marami pa silang activity sa LuponWXC. Ine-expand daw nila ang kanilang broadcasting sa iba't ibang games.

"And to add sa sinabi ni Paulo, actually, kahapon we were able to start our Counterstrike Department. So, there is a big event ngayon, I think, $500K tournament sa Europe. So, we are the official Filipino broadcaster for that. So, that's the premiere counterstrike sa buong mundo and we were fortunate to have the chance to get it," proud na pahayag ni Kuya Nick.

Wow! Just imagine kung gaano kalaki ang kinikita nina Paulo at Kuya Nick sa LuponWXC. Kaya pala itong si Alodia at partner niyang si Will Dasovich are living in style sa kabila ng pandemic, ha?

Tsinek namin kung gaano kayaman si Alodia. At ayon sa Google, nasa pagitan ng $1 M to $5 million ang inilaki ng kita nito noong 2019 and 2020.

Habang sa isa sa mga vlogs ni Will sa YouTube ay napanood namin na gusto niyang bilhin ang malawak na condo unit sa isa sa mga key cities sa Metro Manila worth P45 million.

'Yun na!