Nangyari na rin daw dati, nagkaanak pa uli… SIGAW NG NETIZENS: KYLIE, 'DI MAKAKATIIS, BABALIK DIN

KAY ALJUR

ni Erlinda Rapadas - @Teka Nga! | July 11, 2021

Samantala, pinagpupustahan ngayon ng mga netizens si Kylie Padilla. Marami ang hindi naniniwala na kaya niyang panindigan ang desisyon na makipaghiwalay na nang tuluyan kay Aljur Abrenica.

Ginawa na rin daw dati ni Kylie na layasan si Aljur noong si Alas pa lang ang kanilang anak. Pero, lumambot din ang puso niya at nakipagbalikan sa kanyang mister. Kaya, nasundan ulit ang kanilang anak at nabuo si Axl.

Ngayon kaya ay kakayanin na ba ni Kylie ang mahiwalay nang tuluyan kay Aljur? Mapangatawanan kaya niya ang pagiging single mom?

Wala kayang pagsisihan si Kylie kung sakaling hanapin ng kanyang mga anak ang kanilang ama? Kahit na sabihin pang puwedeng bisitahin ni Aljur ang mga anak dahil sa kanilang co-parenting agreement, iba pa rin kapag buo ang pamilya.

Kaya naman ang pustahan ngayon ng ilang showbiz observers ay baka isang taon lang tumagal si Kylie at muling babalik sa kanyang mister. 'Yun ay kung wala pang ipinapalit sa kanya si Aljur.

Ang tanong, hindi ba si Kylie ang tipong martir na handang tanggapin ang pagiging playboy ni Aljur?