ni Angela Fernando - Trainee @News | October 31, 2023
Ipinahayag ng Commission on Elections (Comelec) na ang lahat ng mga nanalo sa Barangay at Sangguniang Kabataan elections ay ipoproklama ngayong araw.
Ayon sa Comelec Chair na si George Garcia, dapat na maipakilala ang mga nanalong kandidato sa kahit na anong mangyari ngayong Oktubre 31.
Ito ay matapos na maiproklama ang 92.7% ng mga nanalong kandidato.
Dagdag ni Garcia, ang bilangan sa 98.21% ng 42,001 barangay ay tapos na, at nagtatagal lamang ang proklamasyon dahil may mga kandidato ang nakakuha ng parehas na bilang ng boto.
Aniya, nangako ang mga regional directors na kanilang matatapos ang lahat sa araw na ‘to.