Nakita ng 8-anyos na utol... 4 yrs. old, sinaksak ni nanay, patay

ni Mai Ancheta @News | September 8, 2026

Photo: File

Patay ang 4-anyos na lalaki matapos umanong saksakin sa leeg ng ina sa Brgy. Surgui 1st, Camiling, Tarlac nitong Linggo ng umaga.

Ayon sa Camiling Police, nadiskubre ng ama ang pagkamatay ng anak pagdating nito mula sa trabaho.

Nakita ng ama ang biktima sa tabi ng kanilang bahay na duguan at natakpan ng kumot, kaya agad na dinala ito sa loob ng bahay.

Pagkakita umano ng ina sa kanyang asawa ay agad na kumaripas ng takbo.

Ang insidente ng pananaksak ay nasaksihan ng 8-anyos na kapatid ng biktima, subalit dahil sa takot ay hindi ito makapagsumbong.

Nabatid na may problema sa pag-iisip ang ina at hindi pa nagpapa-check up dahil sa kakulangan ng pera.

Sa follow-up operations ng mga awtoridad ay natagpuang ang suspek na nagtatago hindi kalayuan sa kanilang bahay.