Sa harap ng mga player... Volleyball coach, binaril sa ulo, dedbol

by Jeff Tumbado @News | November 15, 2026

Photo: Volleyball coach binaril sa Davao - GMA Regional

Patay ang isang volleyball coach matapos barilin sa ulo ng isang hindi pa nakikilalang salarin habang nagtuturo sa kanyang mga manlalaro sa Davao City nitong Huwebes ng gabi.

Naganap ang pamamaril sa loob ng isang gymnasium sa Purok 4, Brgy. Bago Gallera.

Nabatid na kasalukuyang nagsasagawa ng volleyball practice ang coach na si alyas Hernan, 33, kasama ang kanyang mga manlalaro nang biglang pumasok ang isang lalaking naka-facemask.

Walang sabi-sabing nilapitan ng suspek ang biktima at binaril sa likod ng ulo bago tumakas.

Sumakay ang salarin sa isang motorsiklong naghihintay sa labas, kung saan mayroon ding mga nakasuot ng helmet na hinihinalang kasabwat nito.

Sinusuri na rin ng mga awtoridad ang mga kuha ng CCTV camera sa lugar na posibleng makatulong sa pagtukoy sa mga salarin at pagresolba sa kaso. 

P2M pabuya vs. pumatay sa Basilan Judge

ni Mervin Reyes @News | November 14, 2026

Photo: Basilan Judge Joseph Wee Sit - Circulated

Nag-alok si Zamboanga City Mayor Khymer Olaso ng P2 milyong pabuya mula sa sariling pondo para sa impormasyong hahantong sa pagkakaaresto sa mga pumatay kay Basilan Judge Joseph Wee Sit.

Mariing kinondena ng alkalde ang krimen at nanawagan sa publiko na makipagtulungan sa mga awtoridad.

Narekober na rin ng pulisya sa Barangay Maasin ang motorsiklong umano’y ginamit ng mga suspek, habang bumuo ang PNP ng Special Investigation Task Group (SITG) upang pangunahan ang imbestigasyon.

Matatandaang pinagbabaril ang hukom ng dalawang hindi pa nakikilalang suspek na sakay ng motorsiklo habang nagmamaneho sa Tumaga-Putik Road, Zamboanga City, madaling-araw ng Huwebes.

Tatay sinaksak sa dibdib ng anak, todas

ni Levi Gonzales @News | November 10, 2026

Photo: File

Patay ang isang 41-anyos na lalaki matapos pagsasaksakin umano ng kanyang anak na lalaki, kasunod ng pagtatalo sa kanilang bahay sa Brgy. Banay-Banay, Lipa City, Batangas.

Kinilala ang biktima na si Marlon Esguerra Alfon, feedmill production operator, habang naaresto naman ng mga rumespondeng pulis ang suspek na si Mark Vincent, 20,

Batay sa imbestigasyon, alas-7:40 ng gabi kapwa umano nakainom ng alak ang mag-ama habang naghahapunan nang magkaroon ng pagtatalo hanggang sa mauuwi sa pisikal na komprontasyon.

Habang pinipigilan ng pamangkin ang biktima, bigla umano itong sinaksak sa dibdib ng anak.

Naaresto naman ang suspek at narekober sa pinangyarihan ng krimen ang isang kitchen knife na tinatayang walong pulgada ang haba.