Nainggit kay Alice na nagkaanak pa… ZSA ZSA, NAGPAKONSULTA NA RIN SA OB-GYNE

Erlinda Rapadas - @Teka Nga! | May 04, 2021

Hindi agad sasabak sa locked-in taping ng Legal Wives si Alice Dixson kahit nakabalik na siya ng 'Pinas. Kasalukuyan pa silang naka-quarantine ng kanyang baby sa isang hotel.

Mauuna munang magteyping sina Dennis Trillo, Andrea Torres at Bianca Umali. Third week of May pa naka-schedule mag-report sa locked-in taping si Alice.

Two months old pa lang ang baby na iniuwi ni Alice kaya marami ang nagtatanong kung isasama ba niya sa taping ang anak? For sure, hindi naman basta iiwanan at ipagkakatiwala ni Alice sa isang yaya ang kanyang anak.

Samantala, marami nang artista ang gustong gayahin ang ginawa ni Alice Dixson na naghanap ng surrogate mom para sa kanyang anak. Sa edad ngayon ni Alice, hindi na niya kakayanin pa ang magbuntis.

Si Zsa Zsa Padilla, mukhang gusto na ring subukan ang ginawa ni Alice kaya isasabay niya sa kanyang checkup sa USA ang pakikipagkita sa isang OB-Gyne.

May health problem si Zsa Zsa kaya nahihirapan na kung magbubuntis siya. Kaya, surrogate mom ang solusyon dito.