Nagsalita na… KRIS, POSIBLENG TUMAKBO SA ELEKSIYON

ni Nitz Miralles - @Bida | May 28, 2021

Nalungkot ang mga nakabasa sa post ni Kris Aquino na babalik na si Josh sa Alto sa Tarlac kung saan nito piniling tumira sa tinawag niyang “lola’s house” samantalang sila ni Bimb ay babalik na sa tinitirhan nila ngayon.

May mga naluha pa sa post niyang, “Namili na si Kuya Josh, gusto na niya talaga tumira sa Alto. The 3 of us said our goodbyes yesterday afternoon... Pabalik na kami ni Bimb to our serviced residence while the condo we’ll be leasing is being readied.”

Nabanggit din ni Kris na nagkatampuhan sina Josh at Bimb, “We are not a perfect family, nagka- mahabang tampuhan 'yung 2 boys BUT nakuha talaga sa dasal, pasensiya at pagmamahal- finally kahapon naramdaman kong nabalik na 'yung dating higpit ng yakapan at kulitan/lambingan nu'ng dalawa.”

Inulit din ni Kris ang sinasabi na hindi siya interesado sa pulitika sa ngayon, pero right niya na protektahan ang family name nila at honor. Isyu pa rin ito dahil sa binanggit ni Kris na “I am not interested in politics now” dahil may posibilidad pa rin daw na pasukin nito ang pulitika at tumakbo in the future.