Nagsalita na… EX NI JOMARI, TINUKOY NA THIRD PARTY KINA PAOLO AT LJ

ni Julie Bonifacio - @Winner | September 04, 2021

Lumutang din ang pangalan ng ex-girlfriend ni Jomari Yllana na si Joy Reyes sa controversial split-up nina Paolo Contis at LJ Reyes. Nasabit ang pangalan ni Joy sa isyu dahil sa hinala at diretsahang pagtukoy ng ilang netizens na siya ang third party sa paghihiwalay ng mag-partner.

Sa Instagram post ni Joy na piktyur niya with her two kids recently, dinagsa siya ng tanong ng mga netizens sa pagkakaugnay niya sa hiwalayang Paolo-LJ.

"Totoo po ba na kayo ang 3rd party sa hiwalayang LJ-Pao? Nagtatanong lang po."

"Trending ka, gurl. Ikaw daw 'yung 3rd party. Hope it's not true. Kawawa lahat ng kids."

"Ikaw in blind item na pinupuntahan ni Paolo Contis at nag-o-overnight pa."

Sinagot ni Joy ang mga tanong sa kanya ng mga netizens.

"How can I be the 3rd party when they are spotted together somewhere and I am here in QC thinking about all the bills and other necessities that father of the baby boys is not paying on time or not paying at all?"

"That's ridiculous I don't know them personally."

Pero may nakapansin na netizen na naka-follow si Joy sa Instagram ni Paolo.

Ipinagtanggol naman si Joy ng nagpakilalang best friend niya na marami raw pina-follow na celebrities ang kanyang kaibigan.

At kung nasa QC si Joy nu'ng mapiktyuran si Paolo with a girl sa Manaoag, kapani-paniwala na true ang sinasabi ng ex ni Jomari.

'Yan, eh, kung same time na-upload ang picture ni Paolo with the mystery girl sa pag-post ng piktyur ni Joy at pag-react niya sa netizen.

Anyway, let's give Joy the benefit of the doubt na 'di siya ang third party sa hiwalayang LJ-Paolo. At least, nagsalita siya.

But what about the "other girl" na itinuturo rin na diumano'y third party sa LJ-Paolo controversial split-up na si Yen Santos, kailan kaya siya magsasalita to clear her name?

Or baka hindi na lang din dahil feeling niya marahil, wala siyang dapat klaruhin?