Sinundo sa airport… MARIS, PROUD SA PDA NILA NG BF NA AFAM

ni Julie Bonifacio @Winner | October 22, 2026

Photo: File / Maris Racal - IG

Spotted ulit si Maris Racal at ang kanyang mystery lover na foreigner sa airport. Nahuli ang aktres nang lapitan niya ang BF at inakbayan siya nito.

Sinuklian din ni Maris ng akbay ang AFAM na naghihintay sa kanya na nakatayo sa tabi ng taxi. 

Kinuha ng guy ang bag niya at inilagay sa trunk ng kotseng sinakyan ng aktres.

Pero sumakay sa front seat ang AFAM habang nasa back seat si Maris.

Dumagsa ang red heart emojis sa comment section ng video:

“Ay, laveeeet (love it)!!!”

“Ang guwapo. Hi, babe daw.”

“Solve si Maris d’yan.”

“Pretty Maris.”

No wonder, super blooming talaga si Maris, ha?

---

After 11 yrs., nag-face-to-face uli…

LOVE LIFE NI KRIS, INAMIN KAY BOY

IBINUNYAG na ni King of Talk Boy Abunda ang inaabangang reunion nila ni Kris Aquino sa episode ng Fast Talk with Boy Abunda (FTWBA) kahapon.

Pagkatapos ng 11 taon, natuloy na rin sa wakas ang pagsasama ng tinaguriang King and Queen of Talk sa two-part TV special ng FTWBA na eere sa October 28 and 29.

Sa teaser ng reunion nila, kumuda si Kris, “Kung babalik man, dapat ang babalikan, ‘yung kasama mo ‘yung hari,” ani Kris.

Pinasalamatan ni Kuya Boy si Kris sa muli nilang pagkikita.

Pahayag ni Kuya Boy, “Kris and I are definitely back. Abangan n’yo po ‘yan, ang pagsasama namin ni Kris nang face-to-face sa television after 11 years.”

Marami raw silang napag-usapan.

“We talked about her health, her resolve to live at ang kanyang pagbabalik-trabaho. We also talked about many possibilities about what we can do together. Abangan n’yo po ‘yan,” paanyaya ni Kuya Boy.

Napag-usapan din daw nila ang tungkol sa love life ni Kris sa mga nakalipas na taon.

“Nakakatuwa po ‘yun,” ngiti ni Kuya Boy.

Naglahad din daw ng pahayag si Kris ng kanyang opinyon sa pulitika at sa mga anak niyang sina Josh at Bimby, na nagbibigay-lakas sa kanya para mabuhay.

“Ang mapapanood ninyo sa aming panayam ay ang Kris Aquino na na-miss nating lahat. Ang Kris na masigla at puno ng buhay. At ang Kris na walang itinatago, ang Kris na napakatotoo,” pramis pa ni Kuya Boy.

Ang paghaharap nilang muli sa telebisyon ay bahagi ng week-long celebration ng kaarawan ni Kuya Boy sa Oktubre 29.

Well, magiging panauhin din ni Kuya Boy sa kanyang week-long celebration sa FTWBA ang iba pang female celebrities na malapit sa kanyang puso – sina Alice Dixson, Andrea Brillantes at Ruffa Gutierrez.

Wow!

Nawala ang kadaldalan, biglang bait-baitan… ISA SA MGA HOSTS NA NANLAIT SA ANAK NI KRIS, NAGPAKITA NA SA NBI

ni Julie Bonifacio @Winner | October 21, 2026

Photo: FB Circulated

Nagpakita na sa National Bureau of Investigation (NBI) Cybercrime Division ang isa sa mga hosts ng Machong Chismisan podcast na nang-insulto sa anak nina Kris Aquino at Phillip Salvador na si Joshua Aquino.

Sumipot si Daniel Lawrence Vivar na kilalang ‘LV’ kasama ang kanyang abogado, alinsunod sa ipinadalang subpoena na inilabas ni NBI Director Melvin Matibag.

Kung matatandaan, sinabihang ‘walang kuwenta’ si Joshua – na may autism – sa podcast episode na pinamagatang Ang Pagbabalik ni Kris Aquino noong October 5 na ngayon ay burado na.

Samantala, ikinatuwa ng mga netizens ang pagpunta ni Vivar sa tanggapan ng NBI.

“Bumait bigla, ah.”

“Tahimik!”

“Nawala ‘yung kadaldalan, ah!”

“Bait-baitan, ni walang ka-muscle-muscle ‘yan, hoy. Macho raw?”

‘Yun na!

---

NAGLABAS ng teaser ang long-running reality show na Pinoy Big Brother (PBB) para sa bagong batch ng housemates sa upcoming season na PBB Collab 3.0.

Sa isang social media post, nag-upload ang reality program ng reel na nagbibigay ng sulyap sa mga regular housemates para sa pinakabagong season, na magsisimula ngayong Sabado, October 24, alas-6 ng gabi sa GMA Kapuso Stream, at ABS-CBN YouTube (YT) Channel. 

Ang pre-show ay magaganap nang alas-5:45 ng hapon.

Isa si Melai Cantiveros sa mga hosts ng bagong edisyon na nag-anunsiyo ng pagbubukas ng bagong Bahay ni Kuya. Kabilang din sa hosting lineup sina Bianca Gonzalez, Robi Domingo, Gabbi Garcia, Enchong Dee, Alexa Ilacad, at ang bagong host na si Michael Sager.

“Excited na ba kayong makita ang bagong bahay ni Kuya? At lalabas na rin sila. Malapit n’yo nang makilala ang bagong batch ng housemates na magko-collab. Bawat isa, may kuwento, bawat isa, may pangarap. Abangan kung sinu-sino sila,” sabi sa teaser.

Nauna nang inanunsiyo na ang PBB Collab 3.0 ay magtatampok ng mga regular housemates pagkatapos ng dalawang magkasunod na celebrity edition.

Sinabi rin ng ABS-CBN TV Production head na si Laurenti Dyogi na magkakaroon ng bagong Bahay ni Kuya matapos isara ang orihinal na PBB house, na ginamit sa loob ng 21 taon mula nang mag-debut ang reality show.

Noong nakaraang taon, itinanghal sina Brent Manalo at Mika Salamanca bilang Big Winner duo ng unang Pinoy Big Brother Celebrity Collab Edition (PBBCCE) na nagmarka sa makasaysayang partnership ng ABS-CBN at GMA Network.

This year, itinanghal naman ang Kapamilya star na si Lella Ford at ang Kapuso celebrity na si Caprice Cayetano bilang Big Winners ng PBBCCE2.0. 

Pinagsama-sama ng show ang mga artista mula sa Star Magic at Sparkle bilang housemates sa loob ng iconic na Bahay ni Kuya.

Kahit dawit kay Atong Ang… GRETCHEN, TAMEME PA RIN SA MISSING SABUNGEROS

ni Julie Bonifacio @Winner | July 4, 2025

• 

Photo: Gretchen Barretto - IG / Circulated - GMA

Isinabit na ang pangalan ni Gretchen Barretto kay Atong Ang ukol sa pagkawala at pagkamatay ng mga sabungero nu’ng panahon ng pandemic.

Tinukoy na ng witness si Gretchen na isa sa mga opisyales diumano ng sabungan na pinangungunahan-pinatatakbo ni Atong.

Kahapon ay nagsampa ng kaso si Atong laban sa witness dahil sa mga akusasyon nito laban sa tinaguriang gambling lord sa bansa.

Pero si La Greta ay nananatili pa ring tahimik. But knowing La Greta, malamang bumubuwelo lang ‘yan at hindi magtatagal, tatalak na rin sa publiko.

Sa ngayon, another celebrity ang tiyak na gustong makuha ang reaksiyon sa kaso ni Atong.

Sino pa nga ba kundi si Sunshine Cruz, ‘di ba? Si Sunshine ang latest girlfriend ni Atong and they’re very open about their relationship.

In fact, nagpupunta rin sa sabungan si Sunshine kasama si Atong. Buti na lang, wala pa si Sunshine sa buhay ni Atong nu’ng mawala ang mga sabungero.

Pero s’yempre, aligaga rin si Sunshine for her boyfriend. Nag-aalala rin siya for Atong.

Let’s wait and see kung magpapakita rin ng suporta si Sunshine Cruz kay Atong Ang in public gaya ng pagsama-sama niya sa sabungan.

---

Napagkamalang bagong girlfriend ni James Yap ang kasama nila ng parents niya sa naka-post na picture sa kanyang Instagram (IG) recently. 

Taken ang photo during the oath taking of James as councilor sa District 1 ng San Juan City. 

Bale second term na ni James as councilor sa kanyang distrito.

Tanong ng mga netizens, “‘Yan na ba ‘yung new love of your life, Idol?”

“The wife?”

Mabilis naman itong kinorek ng ibang netizens. 

Sagot nila, “Sister n’ya ‘yan.”

“Hahaha! Mali, Marites ogag.”

Usually kasi, sa ganyang importanteng okasyon, ang mga mahal sa buhay ang kasama sa oath taking ng mga bagong halal na opisyales sa pamahalaan. 

Minsan pa nga, kahit girlfriend pa lang at hindi pa misis, join din at mas maepal pa sa mga magulang.

Eh, bakit nga ba wala si Michela Cazzola na misis ni James? True kaya ang tsika na matagal na silang hiwalay?

Sa comment section ay may nagsabi na hiwalay na raw sina James at Michela.

“Hiwalay na po sila,” sey ng isang netizen.

Ang nakakalurkey ay pangalan pa rin ni Kris Aquino ang nakalagay na wife ni James sa Wikipedia.

And speaking of Kris, sana ay inimbita rin ni James ang unico hijo nila na si Bimby Yap sa kanyang oath taking since nandito naman sa Pilipinas ang mag-ina.

Or baka naman inimbita rin ni James Yap at hindi lang puwede si Bimby Aquino?