Nagpa-family planning daw… JOHN, OKS NA SA 3 ANAK NILA NI ISABEL

ni Julie Bonifacio @Winner | September 05, 2023

Inamin ni John Prats na kinilig siya nu’ng nalaman niya na personal choice siya ni Soul Siren Nina para idirek ang kanyang special birthday concert titled Only Nina on November 8 sa Samsung Hall ng SM Aura, Taguig City.

Pag-amin ni John, “Well, nakakakilig. Ako naman, when I started directing way back 2018, 'yung Tagpuan ni Moira (dela Torre), when we were both starting, I had to produce it also para maniwala ang mga tao na nagdidirek ako at may sugal ako.”

‘Yun daw ang nagsilbing "tuition fee" ni John para makapagdirek ng concert.

“So, mas kinilig na ako nu’ng may K Brosas, Richard Poon, Erik Santos and Smart dati who hired me. Kaya ang feeling ko, ‘Uy, may sahod na ako bilang direktor.’ May ROI (return of investment) na ako.

“Ang sarap kapag napipili ka although may pressure rin na kasama. But, uh, ‘yun naman ang paninindigan ko.

“Kasi parang kaya ako nagdidirek ng live events for the artists and concert for the artists kasi ‘yun ang frustrations ko nu’ng artista ako dati,” kuwento ni John.

Dati raw kasi nu’ng siya ang nagpe-perform, hindi nangyayari ang gusto niyang sayawin or ‘yung nabi-visualize niya.

“Hindi nangyayari because lack of time, lack of… I don’t know where. But as a director, ‘yun ang ginagawa ko like my artist is my artist and I’m the director.

“Para sa akin, my artist is the main priority amd I’m an instrument to fulfill her or his dream concert.

“So, kung ano ‘yung nakikita n'yo doon, siya ‘yun. Kaya lagi ninyong sinasabi na nag-iiba-iba ang concert ko at hindi nagpapareho because I have different artists and they have different visions.

"So, ‘yun ang inilalagay ko, kung ano ‘yung nakikita nila na gusto nilang gawin.”

Hindi na mabilang ni John kung pang-ilang concert na ang Only Nina sa mga naidirek niya. Pero hindi rin ito ang last concert na ididirek niya this year.

“May November at December (pa ako). Hmmm…music festival sa November. May Richard Poon pa. Tapos, may Korean concert. Medyo loaded ako this year.”

Then, next year, may dalawang concert events ang naka-lineup sa kanya to direct.

Hindi naman sinagot nang diretso ni John kung financially rewarding ang pagdidirek ng concert.

Sabi lang ni John, “Basta happy ako, yeah. Happy talaga ako.”

Tatlo ang anak ni John at ng misis niyang si Isabel Oli, two girls and one boy.

Mabilis na sinagot ni John ang tanong kung may plano ba sila ni Isabel na dagdagan ang kanilang mga anak.

“Wala na. Okey na ‘yun,” ngiti ni John.

Talaga ba? May tuldok na ang statement niya?

“Oo, ok na talaga,” diin niya. “Kami ni Liv….family planning. Okey na ‘to.”

Aminado rin si John na siya ang spoiler ng kanilang mga anak, habang si Isabel naman ang disciplinarian.

Anyway, Only Nina is produced by Vera Group Inc. and District One with Mr. Bobby Velasco as musical director, and John Prats as the concert director.